Патувачката изложба „Ана Франк - Историја за денес“ во  четврток, 23 мај, со почеток во 18 часот   ќе биде отворена  во просториите на средното училиште „Таки Дасакало“ во Битола, кое е домаќин на овој настан во соработка со Младинскиот образовен форум. 

.Објавен е спотот за отворањето на 38-то издание на детската ликовна колонија „Мал битолски Монмартр“ што од 23 до 30 мај ќе се одржаи во Битола и Охрид.На оваа престижна манифестација, која е една од најпознатите културни настани од нашата земја во светот, ќе учествуваат 80 деца и ликовни педагози од 15 земји. Организатор на „Монмартр“ е Детското ликовно стидио „Свети Кирил и Методиј“ од Битола.  

РЕК Битола ја информира јавноста дека изутрината дојде до краткотрајно исклучување на Блок 3 од системот. Причината за исклучувањето e грешка во автоматскиот систем за управување.

Блок 3 повторно беше приклучен во мрежа во 12ч. и во моментов работи работи непречено.

Производството на АД ЕСМ се одвиваше преку Блок 1 и преку другите производни капацитети, соопштуваат од  АД  Електрани на Северна Македонијa, Подружница РЕК Битола.

По 15 години битолските пожарникари добија нова заштитна облека и дишни апарати со компримиран воздух. Оние кои до сега ги користеа, беа набавени во 2004 година како донација и не беа нови.

 Магистралниот пат Прилеп- Ресен кој поради свлечиште беше затворен за сообраќај околу два месеци денеска од 12.50 часот е пуштен за сообраќај, информира АМСМ.

Сообраќајот на овој патен правец на обиколницата на Битола, беше во целосен прекин за сите видови на возила, а сообраќајот се пренасочуваше низ градот Битола.

Програмата за решавње на проблемот со бездомните животни во Општина Битола, со која се утврдуваат активностите за третман на кучињата скитници ставена е на дневен ред на 34-та седница на Советот на Општина Битола, која ќе се одржи во среда, 22 мај. Оваа програма предвидува заловување, стерилизација, вакцинација и обележување на кучињата кои ќе се затекнат на јавна површина, по што ќе се вратат назад од каде што биле уловени.

Општина Битола неодaмна целосно го поплочи пешачкиот дел пред зградите кај  Гроздот , па  несовесните возачи сега секојденевно ја  узурпираат пешачка патека за да не користат платен паркинг.

Граѓаните од овој дел на градот бараат Општината да постави и метални столбчиња за да ги заштити плочките од паркирањето на автомобили, а од полицијата да дејствува на терен и да ги казнува несовесните возачи.

Извршниот одбор на Здружението на пензионери од Битола, на својата 11-та по ред седница одржана под претседателство на Томе Димитровски, го дефинира учеството на битолските пензионери, спортисти за Регионалните спортски игри што ќе се одржат во Крушево на 25 мај.

Битолските пензионери на спортските натпревари  ќе ги предводи некогашниот фудбалер и тренер Цане Грбевски. Победниците во сите категории ќе земат учество на Републичките спортски игри што ќе ги организира Сојузот на пензионери на Македонија, а ќе се одржат наесен.

Извршниот одбор на Здружението на пензионери  од Битола донесе одлука на 31 мај во Битола да се потпише Меморандум за збратимување со пензионерите од Прилеп. На тој начин ќе се продолжи востановената соработка меѓу битолските и прилепските пензионери.

На седницата беше информирано дека наскоро ќе започне доставувањето на огревните дрва за пензионерите што истите ги имаат исплатено во целост, со што успешно е завршена акцијата за обезбедување со огревни  дрва  за сите пријавени пензионери од Битола.

Канализациона мрежа со пречистителна станица ќе се гради во селото Добрушево, Општина Могила.

Министерството за животна средина и Општина Могила потпишаа договор за доделување на средства  за проектот „Канализациона мрежа со пречистителна станица“ со вкупна вредност од  6 896 865 денари.