АД Електрани на Северна Македонија е избрана за најдобар понудувач на електрична енергија од страна на универзалниот снабдувач ЕВН Хоум.

            Зајакнување на демократската клима во училиштето,поттикнување на  одговорноста кај учениците за состојбите и условите во училиштето и заедницат, како и зајакнување на  нивната иницијативност за позитивна промена е целата на активностите кои ба спороведени  денес во ОУ „Елпида Караманди“ - Битола  во рамките на Отворен ден на Граѓанск ото образование. 

НУУБ „Св. Климент Охридски“  - Битола во соработка со пчеларското здружение „Нектар “од Битола организираат промоција на „Пчеларски календар“ од авторите проф. д-р Александар Узунов од Факултет за земјоделски науки и храна од Скопје и  м-р Борче Павлов професионален пчелар. Промоцијата ќе се одржи на ден 23 ноември  (сабота) 2019 година, со почеток во 11 часот во просториите на Библиотеката.  

Во „Пчеларски календар“  се опишани целогодишните активности во пчеларникот, апитехниката, фазите во функционирањето на пчелните семејства низ годината, согласно специфичностите на климатските и вегетациските услови во Македонија. Тоа е поткрепено со релевантни податоци за температурите, врнежите, како и фенолошкиот календар за цветање на некои медоносни растенија во Македонија.

Промоцијата влегува во новата програма на библиотеката „Хортикултурни библиотеки“ како дел од регионален проект поврзан со содржините екологија, хортикултура и подигање на свеста за важноста на живот во здрава средина, промовирана во Европа од стана на УНЕСКО –  УН Агенда 2030 за влијанието на библиотеките врз потребите на заедницата.

Моника Стојчевска, дипломиран правник, вработена во Центарот за социјални работи во Битола, е новиот в.д. директор на оваа институција, дознава Апла.мк. Стојчевска  е назначена на местото на досегашната директорка Сузана Вељановска со мандат од шест месеци.

Ж.З. 

Сте ние кои живееме овде, а и сите кои заминаа надвор, се горди на родниот град. Кажуваат дека имаат прекрасен Широк Сокак, убав Пелистер, супер Шеталиште, многу клавири, конзулати, гостопримство, дека градот има душа или да се послужам со еден графит кој во еден период беше напишан на Широк Сокак, „Битола е градот“.

Претходниот викенд една манифестација го потврди се она погоре напишано, ама и еден настан не врати во реалноста, не врати во нашето самоуништување, во  образованието, во домашното воспитување,  даде повод да размислување, каде одиме и каде се движиме. Се судрија две Битоли, два концепта, две визии.

Музика од Светот или СЈАЈОТ или БИТОЛА

Три вечери Битола во Центарот за култура  личеше на она што сите сакаме да го видиме. На она што сите сакаме да го почувствуваме, на вистинска метропола. Организацијата на Центарот  одлична, атрактивни гости, Томашевиќ извонредна , Агушеви  и Хели Сиекинен супер, битолскиот Камерен оркестар 5+, Благојче како и секогаш маестрален, публиката фантастична и гладна за врвни музички настани, со една реченица Битола каква што треба да биде и каква што ја личи.

По завршувањето на секоја вечер, се гледаше дека луѓето се задоволни од она што го виделе, дека ќе дојдат и наредната вечер, дека ќе дојдат и догодина. Впечатокот дека поминале прекрасна вечер се гледаше на лицата на сите, беше лесно препознатливо и забележително.

Никој и не сакаше да оди дома, бисот задолжителен, Битола  во полн сјај.

Уништениот парк или бедата или (не)битола

На само неколку стотина метра растојание од Центарот за култура, на штотуку изградениот детски парк, најверојатно во исто време, некој се изживуваше. Не поминаа два дена, а некој почувствува потреба да расипе нешто, да исчкрта, да уништи.

И го добивате чувството дека за некој дно нема, дека дното е само замислено и некој успева и од најдолното да оди уште надолу.

Некој срушил реквизити, испишал клупи и делови од опремата со графити и си го потпишал своето име или прекар. Не знам што добил со тоа, сигурно бил ,,најјак“ меѓу своите другари, бил ѕвезда таа вечер, бил нај ,,мангуп“, можеби и берел ,,поени“. А паркот, се уште не е официјално пуштен, а во близина стои и табла дека има видео надзор.

Можеби и сето ова е поправливо, ама бедата која се практикува е непоправлива и нема лесно да се поправи. Затаиле тука и домашните, и наставниците, и целото општество кое успеало да израсне луѓе кои ова можат да го направат.

Секакви зборови на револт се изначитав овие денови за овој случај, а кој и да го употребите нема да згрешите, дури и неколку заедно.

Беда, Срамота, Дно, Ужас, Бљак, Идиотизам, Несовест, Криминал.

Првата Битола треба да е нашиот предизвик, тоа треба да е целта кон која ќе се стремиме. Сјајна, убава, расположена, весела.

Втората бедна, жална, грда, самоуништувачка, депримирачка.

Неа треба да ја поразиме!

Пишува: Валентин Груевски, претседател на Советот на Општина Битола

(Ставовите изнесени во колумните не се ставови на редакцијата на Апла.мк. Затоа Апла.мк не сноси одоговорност за содржината на истите)

Претставата „Жени“, документарен театарски проект по текстови на жени болни од рак, во режија на Софија Ристевска Петрушева, продолжува да ја полни салата во „Интимен театар“ во Битола. Ова е трет месец како се прикажува, а интересот не спласнува. По синоќешната изведба наградена со овации, претставата ќе се игра и овој петок со почеток од 20 часот во Интимен театар. Во „Жени“ играат трите најодважни кои го победија ракот и предрасудите, па јавно проговорија за битката со оваа тешка болест- Невена Стерјова, Трендафилка Киклевска и Катерина Петровска.

(Фотографија од храбрите жени, учеснички во претставата)

Инаку, претставата е работена по автентични случки и текстови на жени болни од рак, но користени се и авторски текстови на Билјана Крајчевска, како и текстови од „Три сестри“, на А.П.Чехов. Ова е жив театар кој зборува отворено за проблемите на најголемиот дел од жените во Битола кои водат лавовска борба со оваа опака болест.

„Иако сме во 21 век, темата која ја претставивме, борбата со ракот, се уште е табу тема. Ние, што некои не нарекуваат ‘глумци’, иако по вокација не сме тоа, сепак сме активни актери во борбара со ракот. И верувајте, многу храбро се носиме со тоа“, велат жените од претставата.

Инаку, целта на овој театарски проект е да се подгигне свеста за редовни прегледи и брзо дијагностицирање на болеста која има епидемски размери, посебно во Пелагонискиот регион.

Ж.З.

Дебати за антикорупција, и за активна борба против корупцијата,  работилница –Имам  право да го кажам своето мислење, квиз –Правата на децата и нивните обврски, спортски натпревар-Играта е мој свет– Имаме право на игра беа дел од активностите во кое денеска учествуваа учениците и наставниците од ОУ „Гоце Делчев“-Битола.

Сите подеднакво ја покажаа својата креативност, вештини и знаења, стекнати во наставата на „Отворениот ден за Граѓанско образование“. Носители на активности за поттикнување на демократска клима во рамките на новиот концепт за Граѓанско образование беа учениците од 9 одделение.

-Поттикнување на учениците да размислуваат за значењето и примената на она што го учат, во секојдневниот живот. Практикување на демократско однесување на учениците преку спроведување конкретна акција за позитивна промена во средината. Практикување и почитување на правата на децата. Учениците се чувствуваа пријатно на училиште, чувствуваат дека се слушнати и нивните идеи се вреднувани. Чувството на припадност кон училиштето (како заедница) се зголемува. Се подобрува мотивацијата за учење и училишниот успех, рече, директорката на ОУ „Гоце Делчев“-Битола, Биљана Стојковска.