АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Јуни 21, 2026
Анета Блажевска
Нова спомен плоча на споменикот на војводата Александар Турунџев
Септември 06, 2025Општина Битола денеска ја замени спомен-плочата на споменикот на војводата Александар Турунџев, откако јавноста реагираше дека претходно не била напишана на македонска кирилица.
Новата табла е поставена експедитивно, а текстот е напишан на македонски јазик и со македонска кирилица.
Од локалната самоуправа порачаа дека ваквите корекции се одраз на посветеноста кон зачувување на јазикот и националниот идентитет, како и должната почит кон хероите од македонската историја.
Споменикот на Александар Турунџев останува симбол на борбата за слобода и потсетник за хероите кои оставиле трага во македонската историја
Во Битола комеморација - 81 година од бегството на политичките затвореници од затворот кај Црн Мост
Септември 06, 2025ПОЛОЖЕНО СВЕЖО ЦВЕЌЕ ВО ЧЕСТ НА 81 ГОДИНА ОД БЕГСТВОТО НА ПОЛИТИЧКИТЕ ЗАТВОРЕНИЦИ
Денес се одбележуваат 81 година од херојското бегство на политичките затвореници од Централниот областен фашистички затвор во Битола. По тој повод, на локацијата каде што некогаш се наоѓал затворот, во близина на „Црн мост“, беше одржана комеморативна церемонија.
Настанот беше организиран од Сојузот на борци, а свежо цвеќе положија градоначалникот на Битола, Тони Коњановски, советници од Општинскиот совет, претставници на политички партии, како и членови на Сојузот на борци.
На 6 септември 1944 година се случило значајното бегство на политички затвореници од споменатиот затвор, каде биле притворани активисти од целата битолска околина, поради нивната борба во Народноослободителното и антифашистичко движење.
Фашистичкиот воен суд во Битола осудил повеќе од 250 лица. Над 50 биле осудени на смрт со бесење, повеќе од 20 добиле доживотна казна, а останатите биле осудени на затворски казни од една до дваесет години.
Неколку дена пред капитулацијата на Бугарија, во услови на распад на фашистичката власт, управата на затворот била принудена да ги отвори портите. Така, околу 120 политички затвореници успеале да избегаат. По нивното ослободување, сите активно се приклучиле во завршните операции за ослободување на Македонија од окупаторот.
Денешниот ден е потсетник на храброста и жртвата на овие херои, кои го положија својот живот за слободата на татковината.
Горната Гимназија во Битола доби меѓународно признание од Франција за квалитетот во билингвалното образование и изучувањето на францускиот јазик
Септември 05, 2025Битолската гимназија "Јосип Броз Тито" доби меѓународно признание од Република Франција за успешното долгогодишно реализирање на билинглавните паралелки со изучување и афирмација на францускиот јазик. Од Гимназијата соопштија - " Со огромно задоволство ја примивме веста дека на билингвалните француски паралелки при нашата Гимназија, им се доделува Меѓународното признание Label France Éducation за квалитет во билингвалното образование. 
Признанието се доделува од страна на Министерството за образование на Р.Франција и Министерство за Европа и надворешни работи на Р. Франција и сме особено горди што тоа се случува на јубилејот - 20 годишнина од воведувањето на овој вид настава во нашата Гимназија.
Упатуваме огромна благодарност до сите поранешни и сегашни професори по француски јазик и професорите по предметите ДНЛ од билингвалната настава, за вложениот труд, неисцрпната мотивација и посветеност кон учениците од билингвалните паралелки, како и до нашата директорка, и поранешните раководства на Гимназијата, за постојаната и безрезервна поддршка и соработка.
Голема благодарност до Француската амбасада, Францускиот институт во Скопје, почесниот конзул на Р. Франција во Македонија и Француската алијанса во Битола, за континуираната поддршка и соработка.
Исто така, изразуваме голема благодарност до сите нашите ученици, поранешни и сегашни билингвалци, кои со својата амбиција, труд и посветеност низ годините, го одржуваат високото ниво на квалитет на билингвалните паралелки во Гимназијата", објавија од битолската гимназија "Јосип Броз Тито"
Кандидатот за градоначалник Методија Куновски си ја предложил братучетката за советник
Септември 05, 2025Водовод Битола со остра реакција - Ги демантираме политичките „памфлети“ на Габриела Илиевска, претседател на Советот на Општина Битола
Септември 04, 2025Општина Битола го објави отчетот на градоначалникот Тони Коњановски за четири години мандат
Септември 04, 2025Кривична за поранешен директор на АХВ од Битола - дозволил исплата на плати на вработен кој со години не одел на работа
Септември 04, 2025Кривична пријава за „злоупотреба на службена положба и овластување“ доби и поранешниот директор на Агенцијата за храна и ветеринарство на Македонија шеесет и едногодишниот Н.Б од Битола бидејќи е осомничен дека дозволил исплата на плати на вработен во Агенцијата во Куманово кој речиси шест години не одел на работа, а примал плата.
Екс директорот на АХВ, битолчанецот Н.Б е осомничен со уште неколку други раководители во Агенцијата.
Според инофмацијата на МВР
СВР Куманово поднесе кривична пријава против Р.Е.(51) од с.Слупчане, општина Липково, З.А.(59) од Скопје, Н.Б.(61) од Битола, А.Б.(59) од Скопје и С.К.(58) од Штип поради постоење основи на сомнение за сторено кривично дело „злоупотреба на службена положба и овластување“. На 30.05.2024 била извршена контрола во просториите на Агенцијата за храна и ветеринарство-Подрачна единица Куманово и од извршениот увид во списоците за редовност било констатирано дека првопријавениот-вработен во Подрачната единица Куманово на работно место помлад референт-архивар, во периодот од 01.12.2018 до 30.04.2024 воопшто не доаѓал на работа, а редовно примал плата и придонеси од буџетски средства.
Второпријавениот З.А., вршител на должноста директор на Агенцијата за храна и ветеринарство до 14.12.2020, свесно дозволил првопријавениот да прима плата и придонеси иако не ги извршувал своите работни задачи. Третопријавениот Н.Б., вршител на должноста директор во Агенцијата за храна и ветеринарство, од 15.12.2020 до 03.07.2024 дозволил да се продолжи со исплатата на плати на Р.Е., кој не се појавувал на работа во текот на целиот свој работен ангажман. Четвртопријавениот А.Б., на работно место раководител на Одделение за финансиски прашања во Агенцијата, во периодот од декември 2018 до април 2024 година, без да изврши соодветна проверка на редовноста, потпишувал финансиски извештаи и одобрил исплата на месечните плати и придонеси на првопријавениот иако не бил во списоците за присутност. Петтопријавениот С.К., вработен како раководител на Одделение во агенцијата, од декември 2018 до април 2024 година не презел мерки за спречување на незаконитата состојба во врска со првопријавениот.
Со ваквите дејствија на првопријавениот противправно му биле исплатени 1.159.081 денари, а државниот буџет бил оштетен за сума од 1.682.759 денари.
Кривични пријави за шестмина демирхисарци вработени во "Национални шуми"
Септември 03, 2025СВР Битола, до Основното јавно обвинителство Битола, поднесе кривична пријава против И.Т.(30) од Демир Хисар, И.Р.(59) од с.Кутретино, демирхисарско, Б.Ј.(60) од с.Слоештица, демирхисарско и С.У.(50) од Демир Хисар поради постоење основи на сомнение за сторено кривично дело „несовесно работење во службата“ и против А.Ш.(31) од с.Смилево, демирхисарско и М.Ѓ.(46) од с.Загорче, демирхисарско, поради постоење основи на сомнение за сторено кривично дело „злоупотреба на службена положба и овластување“.
Првопријавениот И.Т., вработен во ЈП „Национални Шуми“ како раководител на Подружница „Бигла“ – Демир Хисар, во текот на 2023 и 2024 година несовесно постапил во вршењето на своите овластувања и должности, односно посредно преку својата шумо-чуварска служба не извршил теренска контрола во атарот на с.Прибилци каде што бил утврден кусок од 343 кубни метри дрвна маса, која била посечена, но не и евидентирана во сметководствената евиденција на подружницата. На тој начин нанел штета на јавното претпријатие во износ од 2.401.000 денари или 39.040 евра. Исто така, со неизвршување на теренска контрола во реонот на Шумско стопанска единица ,,Илинска планина’’, бил утврден кусок од 954 кубни метри дрвна маса, која била посечена, но не евидентирана во сметководствената евиденција на подружницата и на ЈП „Национални Шуми“ првопријавениот нанел штета во износ од 6.678.000 денари или 108.585 евра. Во Шумско стопанска единица ,,Пречиста’’ бил евидентиран кусок на дрвни сортименти во количина од 83.30 кубни метри со што првопријавениот на ЈП „Национални Шуми“ нанел штета во износ од 583.100 денари или 9.481 евра. Додека, во Шумско стопанска единица ,,Јаворец’’ бил евидентиран кусок на дрвни сортимани во количина од 123,80 кубни метри со што првопријавениот на јавното претпријатие му нанел штета во износ од 866.600 денари или 14.091 евра. Според таблицата за пресметка на штета, посечени биле вкупно 1.504 кубни метри, при што на ЈП „Национални Шуми“ му била нанесена вкупна штета во износ од 10.528.000 денари или 171.186 евра.
Второпријавениот И.Р., во текот на 2023 и 2024 година, како раководител на шумо-чуварска служба во Подружница „Бигла“, заедно со трето и четвртопријавениот, шумо-чувари во подружницата, не извршиле теренски надзор, односно не ја извршувале примарната задача да ја чуваат шумата во државна сопственост и на тој начин дозволиле на локациите да биде посечена дрвната маса и на претпријатието да му биде нанесена штетата.
Петтопријавениот А.Ш., референт за превоз во подружницата, во текот на 2023 година се задолжил со приемница за сеча и приемница за дотур на 185,5 кубни метри огревно дрво, а по извршената испорака, во 2024 година од страна на пописната комисија бил констатиран кусок од 83.3 кубни метри и на тој начин била нанесена штета на јавното претпријатие.
Шестопријавениот М.Ѓ., референт за сеча и дотур, во текот на 2023 година се задолжил со приемница за сеча и приемница за дотур на вкупно 604 кубни метри огревно дрво, а по извршената испорака во 2024 година од пописната комисија бил констатиран кусок од 155,3 кубни метри огревно дрво.
Најчитани
