АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Јуни 21, 2026
Анета Блажевска
Писателот Никола В.Ристевски е награден за создавање нов македонски збор "екранка"
Септември 15, 2025Никола В.Ристевски (1995) поет, раскажувач и драмски писател од Битола, по професија дипломиран правник доби втора награда за новосоздаден македонски збор. Младиот битолчанец го создаде зборот .ЕКРАНКА – Screenshot (анг.) Никола В. Ристевски "Екранка" ја објаснува со следното образложение.
"Брза дигитална слика од моменталниот приказ на екранот на телефонот или компјутерот."
Ристевски објави дека неговиот новосоздаден македонски збор освои втора награда на настанот „Зборотворба на годината“, којшто годинава за првпат беше организиран од Зборци (zborci.zborci).
"Оваа награда му припаѓа на македонскиот јазик којшто се збогати со уште еден македонски збор. Причината зошто го осмислив зборот „екранка“ може да се согледа од потребата за да се најде соодветна македонска замена за странски збор, којшто доста често се употребува во секојдневието, со македонски збор којшто во иднина би се користел во македонската книжевност, а пред сѐ во секојдневното општење.
Токму затоа, сметам дека ова е само делумна награда – целосната награда ќе се добие тогаш кога зборот „екранка“ ќе почне активно да се употребува во секојдневното пишување и говорење, објваи Никола В. Ристевски.
Наградениот книжевник додваа дека -"Нам како Македонци ни претставува света должност да го обогатуваме македонскиот јазик, зашто друг јазик немаме."
Движењето ЗНАМ на локалните избори во Битола ќе учествува само со советничка листа. За носител на листата се определи за Јагода Талевска, секретар на општинската организација во Битола, која е малостопанственик во пензија. На второто место е Биљана Анастасова дипломирана медицинска сестра. Потоа следува Милорад Петрески, магистер на правни науки, па Билјана Лозановска, магистер на дефектолошки науки. На пето место на листата е кандидатката Јулијана Цветановска, туристички работник и преведувач. Од ЗНАМ велат дека имаат -"тим составен од луѓе со знаење, интегритет и визија, кои целата своја енергија ќе ја насочат кон системски решенија за да се подобри животот во Наша Битола.
Силно мотивирани, работиме на изготвување на програма според барањата на нашите сограѓани, кои ги собравме преку анкети, објавија од ЗНАМ
Познат лик од Битола барал рекет од бизнисмен - фатен на дело при изнуда, прва успешна акција на Истражниот центар на ОЈО Битола
Септември 15, 2025Момче на 21 година од Нижеполе лудувало на патот за Охрид со 153 километри на час
Септември 15, 2025Нашата наставничка Наташа Тодоровска е избрана за просветен работник на годината од Сојузот на просветни работници
Септември 15, 2025Вандали ноќеска ги искршиле и изгазиле рефлекторите на платото од Офицерскиот дом во Битола
Септември 15, 2025Зад листата на Зоран Лазаровски Паљото стојат - Борко Бакревски, Лилјана Поповска, Јован Велковски, Стефан Солаковски ...
Септември 14, 2025Зоран Лазаровски- Паљо ја објави листата на кандидати за советници и како носител најавува дека тој и неговите советници ќе се залагаат за Битола да биде достоинствен град за живеење и пред се чист и зелен град. Граѓанската независна советничка листа „ЗА БИТОЛА“ на Лазаровски ќе биде најдобрата опција за битолчани вели Паљото за „Апла“.
Зоран Лазаровски-Паљо
На второ место на листата е Борко Бакревски, битолчани го познават по брендот „Бак пиво“, фамилијарен човек, успешен стопанственик и како што вели Паљото -„Бакревски е голем локал патриот.
Борко Бакревски
Третата позиција е за Лилјана Поповска вработена во фабриката „Кромберг и Шуберт“ како шеф на смена, хуманист, а Паљото вели дека секој што ќе побара помош од Лилаја таа е таму да помогне.
Лилјана Поповска
Зад Зоран Лазаровски - Паљо застана и Јован Велковски, менаџер во кафе слаткарница „ГТ“ во Битола. Паљото за него вели дека е „градско чоече секогаш присутно во јавниот живот и Широк Сокак“. Велковски е еснаф кој ја напуштил работата во јавно претпријатие во Битола и се посветил на приватниот сектор.
Јован Велковски
На петто место е младиот Стефан Солаковски, информатичар - успешен програмер, вработен во странска компанија. Паљото вели дека Стефан е гласот на младите битолчани, полн со живот и љубов кон Битола. Еден од малдите што сакаат да живеет во Битола и да останат во државата“.
Стефан Солаковски
Граѓанската независна советничка листа „ЗА БИТОЛА“ чии носител е Зоран Лазаровски - Паљо доколку ја добие довербата на битолчани и влезе во Советото на Општина Битола, ќе се залага за основните работи што ги нема Битола - катни гаражи, што повеќе едносмерни улици и паркинг места. Забрана за автомобили и моторни возила во центарот на градот, градското јадро да биде само за пешаци и велосипеди како секаде во културниот свет, вели Лазаровски.
Понатаму ќе се залагаат за реформи во јавниот превоз со мали автобуси, достоинствени автобуски постојки. Целосна обнова на сите влезови во градот со соодветно осветлување. Детското одморалиште на Пелистер да се направи исто и Копнаки. Вложувања во спортот во велосипедски патеки во повеќе зелени површини. Вложувања во Пелистер.
Лазаровски вели дека тој и неговоите советници во идниот состав на Советото на Општина Битола ќе бидат против депонија за 18 општини, а за современа депонија само за Битола, Новаци и Могила.
Текст Анета Блажевска
Македонско-турското здружение од Битола со поддршка на иселеници од Измир ќе формира фолклорна група во Будаково
Септември 14, 2025Денес во посета на Македонско - турското здружение ,,Мустафа Кемал Ататурк”-Битола беше претседателот на Федерацијата на здруженија на иселениците од Македонија во Турција, со седиште во Измир. Битолското здружение од неодамна е дел од оваа Федерација и во план се соработки на повеќе полиња. Според претседателот на Македонско-турското здружение, Шенол Мемиш, побарана е помош од Федерацијата за формирање на фолклорна група во с.Будаково која би го негувала македонскиот и турскиот фолклор.
„Побаравме помош во материјали за изработка на носии, со кои би биле опремени игроорците од новата фолклорна група. Од страна на претседателот Хасан Гани ни беше ветена помош и поддршка за нашите активности”, рече Мемиш по средбата.
Ова здружение минатата година сними два документарни филма и организира изложба на фотографката Бенита Стојмирова. До крајот на годинава најавуваат повеќе активности и три документарни филмови.
Најчитани
