Пробиена е новата велосипедска и пешачка патека од Цапари до НП Пелистер, потврди за АПЛА Иванчо Тошевски, директор на НП Пелистер. "ЈУНП Пелистер роденденот го одбележува со голема работна акција за пробивање, расчистување и уредување на планинарска и велосипедска патека која ќе го поврзе с.Цапари со НП Пелистер. Патеката е во должина од 4km, висинска разлика од 500 метри и ќе биди дел од кружен систем на велосипедска и планинарски патеки кои ќе ги поврзуваат с.Цапари и  с.Ротино со НП Пелистер. Работните активности се изведуваат со поддршка на локалното население, планинари и велосипедисти од EXTREME BIKE TEAM Битола. Активностите по повод роденденот продолжуваат во понеделник со работна средба на сите четири Национални паркови во Инфоцентарот на НП Пелистер", изјави директорот Тошевски за АПЛА. Фото АПЛА.мк     

БИТОЛА ЦВЕТА И ВО ЕСЕН

Со пригодна свеченост откриен муралот на австралискиот уметник Финтан Скот Меги во центарот на градот по повод 30 години билатерални односи помеѓу Македонија и Австралија.

„Фантастично е што сум тука, посебно ми е драго што се запознав со градионачалникот на Битола, Тони Коњановски. Тука со нас е еден од најдобрите уметници за мурали во Австралија. Овој мурал што го гледате позади нас, кој сеуште не е довршен, ќе има разни симболи на Македонија и на Австралија и токму ќе го претставува она што треба да ги одразува односите меѓу нашите две земји“ рече во своето обраќање Австралискиот амбасадор Н.Е. Петер Трасвел, кој заедно со почесниот конзул на Австралија денеска беше во Битола.

Градоначалникот Тони Коњановски ја искажа благодарноста и честа прв пат со амбасадорот да се запознаат токму на овој настан. 

„Овој мурал изработен од еден од најпознатите уметници го промовира и претставува пријателството помеѓу Австралија и Македонија, цврстите врски, со оглед на тоа што имаме огромна дијаспора која секоја година се почесто за среќа доаѓа тука, се враќа во татковината и ова ќе биде уште еден симбол на цврстото пријатество меѓу двете земји, токму на 30 годишнината од воспоставувањето на дипломатските односи“, рече Коњановски. 

На денешната промоција на Националниот портал за електронски услуги во Битола, министерот за дигитална трансформација Стефан Андоновски, заедно со градоначалникот Тони Коњаноски, присуствуваа на настанот во рамки на караванот на Министерството за дигитална трансформација за промоција и приближување на порталот uslugi.gov.mk до граѓаните. Денеска порталот има близу 240.000 корисници, што покажува голем интерес на граѓаните за електронските услуги. Сè повеќе ги користат истите, бидејќи им нудат можност побрзо да стигнат до посакуваната услуга и побрзо да си ја завршат својата работа”, истакна Андоновски.

Министерот го спомена и позитивниот пример со ваучерите за електронски уреди за студенти, за кој рече дека услугата целосно се добива онлајн.

„Би сакал да ја искористам оваа прилика и да ја информирам јавноста дека 39.000 студенти на додипломски студии веќе аплицирале и го добиле својот ваучер, а 20.800 веќе ги искористиле и си набавиле електронски уред”, изјави Андоновски, додавајќи дека Битола е секогаш во фокусот на министерството. Тој се осврна и на Центарот за услуги во Битола, за кој рече дека бележи одлични резултати и висока посетеност на граѓаните.

Градоначалникот Тони Коњаноски го поздрави присуството на министерот Андоновски, за кој рече дека е еден од најактивните и дека придонесува дигиталните услуги да се доближат до граѓаните во ова време на дигитална ера. Тој најави и идна соработка на Општина Битола со Министерството за дигитална трансформација со цел дигитализација на општинските услуги.