АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Јуни 21, 2026
Анета Блажевска
Опожарена кола на улица "Раштанска" во Битола
Август 14, 2025На 14.08.2025 околу 02:10 часот во СВР Битола било пријавено дека на улица „Раштанска“ во Битола настанал пожар во паркирано патничко моторно возило „фиат добло“ со битолски регистарски ознаки, сопственост на З.М. (54) од Битола. Екипа на ТППЕ го изгаснала пожарот, а увид на местото на настанот е извршен од страна на ОКТУПА СВР Битола.
Тешка сообраќајка кај "Макази" на патот Битола-Ресен
Август 14, 2025На 13.08.2025 околу 11:10 часот во Полициската станица Ресен е пријавено
дека на крстосница од магистрален пат Битола – Ресен, кај место викано
„Макази“ се случила сообраќајна несреќа помеѓу патничко возило „хјундаи“ со
скопски регистарски ознаки, управувано од Ѓ.С.(74) од Скопје и патничко возило
„цитроен“ со охридски регистарски ознаки, управувано од М.К.(65) од Канада.
Во несреќата со тешки телесни повреди се здобила сопатничката од патничкото
возило „хјундаи“ С.З.(71) од Скопје, додека со телесни повреди се здобил
возачот Ѓ.С., констатирани во Клиничка болница Битола. Извршен бил увид од
увидна екипа од ОВР Ресен.
Едукативен центар "Мали Чекори" – проверена поддршка за учениците од прво до петто одделение, од неодамна на нова локација
Август 14, 2025Едукативен центар "Мали Чекори" – проверена поддршка за учениците од прво до петто одделение, од неодамна на нова локација. По четиригодишно успешно работење во рамките на детската градинка „Мали Чекори“, едукативниот центар од оваа учебна година продолжува да функционира како независна образовна установа на нова, пространа и функционално опремена локација, со цел понатамошен раст и унапредување на својата мисија – целосна поддршка за децата од прво до петто одделение во нивниот развој и образование.
Центарот е наменет за ученици во рана училишна возраст и нуди безбедна, структурирана и стимулирачка средина во која децата можат квалитетно да го поминат времето пред и по училиште, особено во часовите кога родителите се на работа. Станува збор за простор во кој се спојуваат грижата, едукацијата и воспитувањето, а сето тоа е поддржано од тим на професионалци со долгогодишно искуство во работа со деца.
Програма прилагодена на возраста и потребите на децата.
Во рамките на дневните активности, децата добиваат:
Поддршка при извршување на домашните задачи
Индивидуален и групен пристап при совладување на наставниот материјал
Образовни активности по македонски јазик, математика, природни науки, општество и логичко размислување
Креативни работилници, уметнички израз, читање со разбирање и вежби за внимание и концентрација
Организирани паузи и слободни активности за одмор и рекреација
Дополнително, центарот обезбедува топол оброк и ужинки, во согласност со потребите на растечкиот организам, а дневниот распоред е внимателно структуриран така што децата имаат и време за учење, и време за одмор и игра.
Целосна грижа и безбедност
Грижата за безбедноста и благосостојбата на децата е поставена како највисок приоритет. Просторот е целосно прилагоден за деца во училишна возраст, со постојан надзор, јасно дефинирани дневни рутини и отворена комуникација со родителите. Секој ученик добива индивидуален пристап, а напредокот и потребите на децата се редовно следени и споделувани со семејството.
Пријавување и контакт
За сите заинтересирани родители, пријавувањето за новата учебна година е во тек, а бројот на места е ограничен поради одржување на оптимален капацитет и квалитет на работа.
Центарот се наоѓа на ул. Методија Андонов Ченто бр. 22, а сите дополнителни информации може да се добијат на телефонскиот број 075 326 375,
преку е-пошта Оваа е-адреса е заштитена од спамботови. Треба да ви е овозможено JavaScript за да ја видите., или преку официјалната страница https://www.facebook.com/share/1BrtySqRt9/.
Поголема безбедност во сообраќајот кај обиколницата за учениците од ОУ „Коле Канински“ Битола, бараат родители пред почетокот на учебната година.
Ова барање особено се однесува на влезот во училиштето од страната на обиколницата која го заобиколува училиштето , а е дел од магистралниот пат А3 Битола -државна граница со Грција. 
Родителите велат дека на влезот на училиштето од страната на обиколницата треба да се постават смирувачи на сообраќајот, особено што на обиколницата сообраќаат поголема фреквенција на автомобили и тешки товарни возала.
„Бараме од надлежните да помогнат околу безбедноста во сообраќајот на нашите деца на влезот на училиштето од страната на обиколницата, но и од другата страна кај Социјалното каде има голема фреквенција на возила. Безбедноста во сообраќајот да не остане само на пешачките премини и на семафорите“, реагираат родители до АПЛА. 
Од Општина Битола велат дека на оваа локација ќе постават вибрациони ленти за забавување на сообраќајот или познато како звучни ленти, но и покрај тоа што е обиколница од магистрален пат на коловозот може да се постават и „легнати полицајци“, постапка за која е потребно подолго време заради спроведување на проект и целокупниот процес на набавка.
Општина Битола од почетокот на оваа година инвестира 3.734.877 денари за поставување на смирувачи на сообраќајот на осум локации, вклучувајќи: вештачка издаденост – издигнат пешачки премин, гумирана вештачка испакнатина, флексибилни ретрорефлектирачки гумени столбчиња, како и сообраќајни знаци за: издаденост на патот, обележан пешачки премин, зона школо, знаци за завршеток на зона школо, како и знаци за зона во која е ограничена брзината и завршеток на зоната во која е ограничена брзината.
Сообраќајната сигнализација и смирувачите на сообраќајот, беа поставени пред основните училишта „Стив Наумов“, „Гоце Делчев“, „Климент Охридски“, „Тодор Ангелевски“, „Даме Груев“, „Трифун Пановски“, „Ѓорѓи Сугарев“ и кај средното општинско училиште „Таки Даскало“.
Минатата година, за првпат од страна на општината беа поставени смирувачи на сообраќајот на четири локации од двете страни на улицата „Булевар 1 Мај“, кај Државното средно музичко училиште, Гимназијата „Јосип Броз Тито“, Економското училиште „Јане Сандански“ и Основното училиште „Д-р Трифун Пановски“.
Со поставените смирувачи на сообраќајот на наведените локации, пред се, се става акцент на зголемена безбедност на учениците како најмлади учесници во сообраќајот, велат од Општина Битола. Текст и фото Анета Блажевска
С О О П Ш Т Е Н И Е од Водовод Битола
За рационално користење на водата за пиење
ЈКП Водовод Битола ги информира граѓаните за рационално користење на водата за пиење. Екипите на ЈКП Водовод –Битола покрај редовните теренски проверки и работни активности, ќе вршат контрола на водоснабдувањето и ќе интервенираат кај оние корисници кои енормно и бесправно ја користат водата за пиење, со цел непрекинато и квалитетно водоснабдување на корисниците.
Во овој период се планираат исклучувања на бесправно поврзаните корисници на водоводната мрежа. ЈКП Водовод Битола апелира да не се користи питката вода за наводнување на поголеми површини, туку рационално да се користи за основните потреби.
Секоја злоупотреба за нерационално користење на водата и сите иматели на диви приклучокци, ќе сносат одговорност и кон нив ќе биде покрената соодветна пријава.
Исто така ги информираме граѓаните кои живеат во висококатници да ги користат своите хидрофорски постројки.
Девојка од Албанија предизвика тешка сообраќајка на патот за граничен премин Меџитлија
Август 13, 2025СВР Битола известува за тешка сообраќајна незгода во битолско. На 12.08.2025 во 14:41 часот во СВР Битола било пријавено дека на патот Битола - Граничен премин Меџитлија, патничко возило „форд“, управувано од 21-годишната А.С. од Република Албанија, излетало надвор од коловозот. Во несреќата со тешки телесни повреди се здобила нејзината сопатничка, Н.С.(47), додека со телесни повреди се здобиле А.С., сопатничката А.С.(44) и уште една 15-годишна девојка, сите од Република Албанија, констатирани во Клиничката болница Битола. Извршен бил увид од увидна екипа од СВР Битола.
,,Денови на Ростковски“ во Битола, панихида пред Рускиот крст
Август 12, 2025По повод 122 години од смртта на рускиот императорски конзул Ростковски, денес во Битола се одбележаа " Денови на Ростковски“ во организација на Регионалното здружение за македонско-руско пријателство “А.А. Ростковски“,. Настанот се одржа пред Рускиот крст во Битола , споменик во чест на конзулот Александар Аркадиевич Ростковски, кој е убиен во 1903 година во Битола. На одбележувањето присуствуваше амбасадорот на Руската федерација во Македонија, Сергеј Баздникин, и преставници на здруженија и граѓани од Битола. - Искрено сум благодарен на раководството и членовите на здружението за македонско-руско пријателство за организациіата на годишните “Денови на А.А.Ростковски“ во Битола. Ги сметаме овие денови како можност да му оддаваме почит на рускиот дипломат, чие име засекогаш е впишано во историјата на руската дипломатска служба. Да потсетиме на длабокото културно и духовно единство и историската поврзаност меѓу народите на Русија и Македониза. Познат како “град на конзулите”, Битола со право има посебно значене за нашите сонародници. Овој втор по големина град беше многу привлечно место за Русите, долго време се сметаше за центар на “руската колонија“- со векови тука доаѓале духовници, научници и патници кои оставиле записи за своите впечатоци. За време на револуционерните превирања во Русија, Битола стана засолниште за стотици руски офицери, лекари, инженери, професори, свештеници и уметници кои дадоа голем придонес за развојот на градот", истакна амбасадорот. Рускиот амбасадор раскажа дека трагичната смрт на конзулот Ростковски на 8 август 1903 година – за време на Илинденското востание според фигуративните зборови на академик Блаже Ристовски, кога “во соседното Крушево, со крв и со оган се бранеше слободната териториа“, – остави длабока трага во сеќавањето на жителите на Битола и во историјата на руската дипломатија. - Вдовицата на дипломатот Екатерина Ростковска забележа: „Mojoт сопруг … ja извршил својата должност. Tоj jа бранеше честа на униформата и на земјата на која и служеше толку искрено, толку посветено. Споменикот Рускиот крст, подигнат на местото на неговата смрт, е јасен доказ дека споменот на него живее во срцата на луѓето. Несебичната работа на А.А.Ростковски е пример за генерации дипломати, потсетување на високата одговорност на дипломатската служба, на важноста на трудот во корист на мирот и согласност мегу народот, рече рускиот амбасадор Бездникин.
Над Љубојно се сечи шумата, жителите масовно на протест
Август 12, 2025Над село Љубојно се сечи шумата, жителите масовно излегоа на протест
Над ресенското село Љубојно во реонот на Долна Преспа масовно се сечи коријата, револтирани се жителите и бараат итен инспекциски надзор. Сечата на бука, смреќи и други видови на дрвја денеска ги извади на масовен протест жителите на ова преспанско село, особено загрижени што се ништи коријата над резервоарот за вода, позицијата на која во минатато имало лизгање на земјиштето, големи парчиња карпи се тркалале по ридот по поројни дождови, па благодарение на шумата била спречена оваа појава. Сега жителите велат дека камиони натоварени со дрва секој ден се носат низ селото. Тие не се сомневаат дека субјектот што сечи нема дозвола, тука бараат итно да се стопира планот за сеча на шумата
„Излеговме масовно на протест и жителите на селото Љубојно и оние гости кои летово се во селото, оти се случува голема сеча на шумата со амин на државни институции. Ние не велиме дека ова е дива сеча на шумата туку како надлежното шумско претпријатие дало амин да се сечи еден поголем дел од дрвјата на источниот дел на селото и да се унишува шумата на Баба Планина. Ова е класичен масакр на дрвја на површина од над 10 илјади метри квадратни“, изјави за АПЛА, Слободан Рајчевски, со имот во Љубојно.
Според Рајчевски голем е револтот кај мештаните дотолку повеќе што реонот каде се сечи коријата е вакафско место или света шума оти се сечи над црквата „Свети Атанасиј“ која се наоѓа на 1 километар источно од селото и атарот на манастирската црква „Свети Петар и Павле“ која се наоѓа на 1,5 километри исто така источно од селото. Жителите бараат од надлежните институции под итно да се стопира сечата.
„Се сечат дрва од црковно место, многу значајно за нас жителите, голем е потегот каде се уништува планината, целиот тој источен дел од Љубојно до Брајчино. Бараме од надлежните под итно се преиспита што шума се сече и кои ќе бидат последиците од тоа“, вели Рајчевски. 
Љубанци се организираат да чуваат стража и со барикади да не дозволат камионите да влезат во селото и да се упатат до локацијата на сечата, а нема веќе да пропуштаа ни камиони натоварени со дрва да излезат од селото. рајчевски вели дека денес побарале претставници од шумското претпријатие да дојде на средба со жителите, но иако било ветено никој не се сретнал со нив.
Текст Анета Блажевска - фото Слободан Рајчевски 
Најчитани
