Мордехај Нахмијас бил истакнат партизан, познат по прецизниот истрел, кој за жал не го спасил од смртта на два месеца пред ослободувањето, загинал заедно со својата сограѓанка, Естреја Овадија-Мара на Кајмакчалан.

Нова трафостаница постави ЕВН-Македонија за потребите на жителите од улицата „Караорман“ над Битолскиот Баир. Мирсад Мухединов, вработен во ЈКП „Комуналец“ кој е задолжен за одржување на обиколницата над Битола, жител на оваа населба за Апла.мк вели дека тој и неговите соседи од населбата подолго време ја барале оваа трафостаница заради секојдневни проблеми во снабдувањето со струја, но ја добиле сега како што вели благодарение на заложбите на градоначалничката Наташа Петровска и на Самка Ибримовски од партијата ПЦЕР , како и од вклученоста на другите ромски партии.

-Јас и жители од населбата поднесовме барање до ЕВН, и еве денес ја добивме трафостаницата за потребите на нашата населба. Многу сме среќни поради тоа зошто сега ќе бидеме посигурни околу снабдување со струја на нашите домови. Голема благодарност до градоначалничката Наташа Петровска која не поддржуваше во барањето, вели Мухединов. 

А.Б

По подолг период се бојадисува внатрешноста на Гиманзијата „Јосип Броз Тито“ во Битола со средства одбезбедени од Општина Битола. Викендов таму се одвива молерски зафат. Ова е едно од средните училишта во Битола со најголем број на ученици. Градоначалничката Наташа Петровскана на својот фб профил напиша дека претходно внатрешните простории на објектот цела деценија не биле бојадисани. 

Во Кино сојузот на Македонија од в година ќе се отвори школа за документарен филм со цел да се пиривлечат што повеќе млади лица да работата на тоа поле, но и да се стекнат со повеќе знаења. Ова беше соопштено на синоќешното отворање на 27. Интернационален фестивал на аматерски документарен филм „Камера 300“ во Битола.

.„Попатни паралипомени“ е последната книга на авторот д-р Александар Литовски, која беше промовирана синоќа во галерискиот простор „Магаза“, како дел од настаните за  одбележување на 4 Ноември-Денот на ослободувањето на Битола. Станува збор за книга во која се собрани публикувани текстови од рецензии и осврти, јавни настапи за промоции, но и книга која пред читателите ќе отвори нови прашања и теми кои не се доволно истражени од македонската историографија, пишува Литовски во воведот на книгата.

Битолската група „Боеми“ продолжува со одбележување на нивниот 30 годишен јубилеј, а вечерва  во ресторнот „Грне“ ветераните на ФК „Пелистер“  се приклучија на забавата и на „Боемите“ им го честитаа роденденот. 

Општина Битола потпиша договор за реконструкција на улицата „Партизанска“ на потегот од кружниот тек кај маркетот „Веро“ па сѐ до улицата „Методија Андонов- Ченто“. Изведбата ќе чини над 19 милиони денари, а изборот на фирмата бил направен по пат на електронска аукција уште на 25 септември годинава.

Посебното издание „Прилози“ од 1980 година посветено на академик Михајло Апостолски, кој бил и почесен член на Македонското научно друштво од Битола, е дел од ретките литературни трудови во рамки на изложбата „Книги: историја, иднина“ отворена вечерва по повод 4.Ноември- Денот на ослободувањето на Битола. Со оваа значајна изложба на преку 400 книги со различни стручни тематики, кои покажуваат колку Битола имала и има кавлитетни автори, научници, истражувачи од различни области, започна празничната програма за одбележување на Денот, која ќе трае четири дена.

„Секоја награда е важна, задоволен сум од постигнатото во животот, а наградата од мојот град Битола само потврдува дека има луѓе кои знаат да ги валоризираат трудот“, вели Благој Стефановски- Баге годинешен добитник на наградата „4-ти Ноември“ за животно дело што Општина Битола ја доделува по повод Денот на ослободувањето на градот.