Градските линии на општинскиот линиски превоз, почнувајќи од утре 20.05.2020 ќе сообраќаат наизменично како во досегашниот период, но без прекин, од 06:00 до 17:00 часот, вклучително и во сабота. Со ова се укинува двосменскиот редуциран режим на сообраќање на автобусите, кој беше воведен соодветно на потребите за движење на граѓаните, а согласно заклучоците на Владата на РСМ, соопштија од Општина Битола. 

Во време на коронакриза која наметна затворање и на музеите низ светот, битолскиот "Завод и музеј", виртуелно преку фотографии објавени на ФБ профилот на дел од предметите во Постојаната музејска поставка, симболично го одбележа Светскиот ден на музеите, 18 мај. 

"Во Постојаната музејска поставка,  се изложени околу 2000 предмети. Се надеваме дека преку овие фотографии ќе го разбудиме Вашиот интерес за нашето културно наследство, и по завршувањето на кризата поврзана со појавата на COVID - 19, ќе не посетите!, се наведува во пораката на "Завод и музеј"-Битола

https://www.facebook.com/467582486592882/posts/4141606172523810/

За дел од предлог економските мерки што ги достави градоначалничката на Битола, Наташа Петровска, како олеснување за одредени стопански субјекти во време на кризата што се наметна со КОВИД-19, се чека Уредба да донесе Владата.

„Предлог мерките што ги дадов како градоначалник, намалување на одредени комунални давачки до нула отсто значи воопшто да не платат граѓаните. Но, законските одредби за некои од тие давачки се со опсег од најниска до највисока сума. Да речеме, една од давачките е од 5 до 15 денари за користење на просторот пред деловните објекти, ние решивме тој простор да биде издаден без никаков финансиски надомест. Но, за тоа ни треба Уредба од Влада зашто во спротивно ќе постапиме незаконски“, рече Петровска.

Барањето и потребните документи до Владата се веќе испатени.

„Уредно Општина Битола ги има доставено барањата за донесување на таква уредба, го чекаме последниот збор да го каже истанцата до кое е нагласено тоа барање. Но, како и да одлучат, на крај ќе се извлече оптимумот за растоварување на субјектите за кои беше наменета таа економнска подршка. Ќе ме радува доколку набрзо ни стигне таа одлука и овозможиме тие стопански субејкти да не платат за ризичниот период низ кој минуваме“, додаде Петровска.

Таа предложи сет мерки за олеснување на економските последици во услови на пандемија:

• Ослободување од закупнина на деловни простори во сопственост на Општина Битола за месеците март, април и мај
• Ослободување од надоместоци за комунална такса за користење на простор пред деловни простории за март, април, мај
• Ослободување на закупнина на градежно земјиште под објект за месеците март, април, мај.
• Ослободување од фирмарина на сите занаетчии и трговци поединци на годишно ниво

Новата општинска установа од областа на културата ќе отвори простор за што подобра искористеност и одржување на Киното „Манаки“ и Офицерскиот дом во Битола, рече градоначалничката Наташа Петровска. За формирање на новата установа советниците ќе расправаат во четврток на седница на Совет.

„Со новата јавна установа за култура ќе отвориме простор за менаџирање на објектите кои ќе бидат ставени во функција, Киното ‘Манаки’ со оремата и сите зафати од над 200 000 евра што ги вложи оваа локална самоуправа и Офицеркиот дом кој се реставрира. Решивме дека најдобро ќе биде со поставување на менаџмент кој целосно ќе се грижи за објектите, заштитата, нивната самоодржливост, успешно функционирање, како и за нивниот придонес кон туризмот во Битола бидејќи имаме голем потенцијал, а за жал години наназад тој не бил искористен“, изјави градоначалничката на Битола, Наташа Петровска.

Членови на битолскиот огранок на Социјал демократскиот сојуз и граѓани со цел да дадат придонес за ублажување на економската криза обезбедија прехрамбени продукти и хемиски средства за хигиена кои како донација му ги донираа на Здружението на пензионери од Битола. Спакувани во педесет пакети донацијата ја прими претседателот на здружението на пензионери од Битола, Томе Димитровски. Тој заедно со членови на извршниот одбор на Здружението на пензионери донацијата му ја предаде на Општинскиот одбор на Црвениот крст кој преку своите волонтери ќе им ја достави на пензионери со ниски примања и социјални случаи. Се очекува ваквиот отег да биде пример и други асоцијации и поединци да дадат придонес за намалување на последиците создадени со пандемијатаи коронавирусот.

Пишува: д-р Александар Литовски, исторчар

Претседателот на Советот на Општина Битола, Валентин Груевски, на својот ФБ профил објави фотографии на кои може да се види како изгледа внатрешноста на Офицерскиот дом во Битола во оваа фаза од реставрацијата, која се изведува со 1 милион евра, пари од ИПА 2 програмата на ЕУ.

Центарот за јавно здравје прави епидемиолошки анкети со контактите на вработениот во детска градинка во Битола  кој е позитивен на КОВИД-19. Никој нема да биде исклучен од изолација  доколку имал контакт со заболениот,  инфомрираат од ЦЈЗ за апла.мк.