Владејачката партија ВМРО-ДПМНЕ по изборот на новиот Извршен комитет на партијата, сега објави и јавен повик за кандидирање на нови раководства во општинските комитети. На огласот стои дека нови раководства ќе се бираат и во пелагониските општини Битола, Могила, Новаци, Ресен, Крушево, Демир Хисар... Во изминатите пет години ОК на ВМРО ДПМНЕ Битола го води Пеце Милевски, кој е актуелен пратеник. Во мандатот на Милевски зеадно со градоначалникот Тони Коњановски извојувани се две победи на локалните избори во 2021 и 2025, а ВМРО-ДПМНЕ во 2024 година победи и на претседателските избори со убедлива победа во гласови за кандидатката, сега претседател на државата, Гордана Силјановска - Давкова и листата на пратеници на ВМРО-ДПМНЕ и коалицијата бидејќи изборите беа двојни, претседателски и парламентарни. Останува да се види кој се ќе покаже апетити за лидерската позиција на Општинскиот комитет на ВМРО-ДПМНЕ во Битола. Во колуарите се зборува дека има лоби групи од партиски и државни функционери кои имаат аспирации да  раководат со Општинскиот комитет во Битола. Се зборува дека и жена има намера да ги води битолските членови на ВМРО-ДПМНЕ,  што ако успее во намерата ќе биде за  прв пат во историјата на Општинскиот комитет во Битола, партијата да биде во рацете на понежниот пол. Инаку пред Милевски, ОК го водеа Иванчо Тошевски актуелен директор на НП Пелистер, Борче Димитровски актуелен секретар на Општина Битола и поранешен директор на Центарот за култура, Зоран Илиоски поранешен пратеник, Јовко Крстевски поранешен директор на РЕК Битола, Златко Милошевски екс градоначалник, Владимир Талески поранешен градоначалник, Љупчо Бошевски поранешен директор на Стрежево, Зоран Коњановски актуелен директор на производство на АД ЕСМ и поранешен министер. Всушност овие имиња го водеа ОК Битола во последните две децении, до денес.   Анета Блажевска 

ИЗГРАДБА И РЕКОНСТРУКЦИЈА НА ПАТИШТА ВО НАСЕЛЕНИ МЕСТА ВО ОПШТИНА БИТОЛА

Денешниот ден е историски за битолската атлетика и АК Олимп. Клубот се ребрендира и ја доведе скоро цела македонската репрезентација во своите редови, јасно наметнувајќи ја улогата на лидер на атлетскиот спорт во земјата. 

АК Олимп е основан во 1960 година и претставува еден од најстарите и најтрофејни атлетски клубови во Македонија. Во текот на својата историја, особено во периодот на поранешна Југославија, клубот континуирано настапувал на сојузни и републички првенства, изнедрил атлетичари со врвни резултати и медали, со запишани рекорди кои ја менувале спортската историја и бил препознаен како силна база за развој на атлетски кадар.

АК Олимп отсекогаш бил повеќе од клуб. Бил место каде што се градела дисциплина,

• каде што спортот бил систем, не случајност и каде што резултатите биле последица на континуирана работа.

Денешното ребрендирање и трансфер-политиката не се раскин со историјата,

туку логично продолжение на традиција на амбиција и шампионски менталитет. Атлетскиот клуб Олимп денес испраќа јасна порака: Битола не е периферија на македонската атлетика - Битола станува нејзин центар. Клубот потпиша договори со петнаесет атлетски имиња, сите репрезентативци и перспектива на клубот и земјата. 

Нови членови на АК Олимп се:

Адријана Поп Арсова​

Ирма Хајдари​

Марина Домазетовска​

Ана Шикоска​

Димитар Петровски​

Леонид Вандевски​

Бојан Чаприќ​

Григоријан Никовски​

Максим Пауер​

Никола Десковски​

Блаже Игњатовски​

Андреј Андовски​

Игор Стојановски​

Насе Епов​

Матеа Матеска​

Теа Божиновска​

АК Олимп, клуб со традиција од 1960 година, од денес влегува во нова фаза –

фаза на сериозни амбиции, национален фокус и јасна цел: да бидеме лидер во македонската атлетика.

Претседателот на клубот, Никола Димитровски, го претстави проектот кој ќе ја промени иднината на клубот.

„Со трансферите што ќе ги чуете денес, со тренерскиот кадар и со поддршката што ја имаме од градот, Олимп гради најсилна постава што клубот некогаш ја имал. И ова не е само краткорочен потег. Ова е нова историја“, рече Димитровски.

Тренер на новиот бран атлетичари ќе биде Димитар Петровски, битолчанец кој живее и работи во Скопје. Тој објасни како дошло до идејата и реализацијата.

„Од еден дамнешен разговор со претседателот Димитровски, дојдовме до реална можност за реализација на овој проект. АК Олимп денес е најорганизиран клуб во земјата и заслужува да ја има во своите редови скоро комплетната репрезенатција. Тука имаме атлетичари со меѓународно реноме како Поп Арсова, државни шампиони, млади таленти и верувам дека овој тим е комплетен. Ветуваме многу работа и достојно ќе ги браниме боите на овој историски клуб“, рече Петровски.

Сонот за Битола - спортски град веќе е реалност. Градоначалникот Тони Коњановски и претседателот на советот, Бојан Бојковски, дадоа безрезервна поддршка за новиот почеток на АК Олимп.

„Битола отсекогаш знаела да препознае кога нешто е сериозно. Денес гледаме сериозен клуб, сериозна визија и сериозен тим. Сакам јавно да потврдам:

проектот за изградба на тартан патека на градскиот стадион е одобрен. Ова не е никаква најава – ова е процес што веќе започнува. Со тоа, Битола не само што ќе го поддржи АК Олимп, туку ќе испрати порака дека сака да биде град на спорт, резултати и млади таленти“, рече градоначалникот Коњановски. 

Бојковски вети дека атлетичарите ќе бидат следени, подржувани и мотивирани.

„Како и сите наши спортисти, така и атлетичарите ќе добијат максимална поддршка за развој и постигнување на врвни резултати. Ние ќе знаеме да ги препознаеме нивните постигнувања и значајот на овој проект за градот и младите генерации. Честитки за оствареното и многу успех во иднина“, рече претседателот на советот на Општина Битола.

Клубот, кој произведе легендарни имиња и рекордери како Вера Вељановски, Стевче Ѓорѓиевски и Демир Даутовски, веднаш се зафати за работа и прв тренинг во градскиот парк во Битола. Овој нов почеток за АК Олимп веројатно ќе ја смени иднината и ќе ја зацврсти Битола како лидер во спортот кој се нарекува - кралица на спортовите.