АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Јули 07, 2026
Анета Блажевска
Сопствениците на кучиња да го почитуваат законот и да ги микрочипираат милениците, повикува АХВ
Февруари 19, 2026Агенцијата за храна и ветеринарство (АХВ) апелира до
сопствениците на домашни миленици – кучиња за исполнување на
законската обврска за идентификација на миленикот со микрочип и
негова регистрација во модулот за домашни миленици на
Информативниот систем на Агенцијата за храна и ветеринарство, за
што се издава и пасош за домашен миленик. Апликацијата на
микрочипот е еднократна, односно, миленикот чипот го носи до
крајот на животот. Микрочипирањето е основа за дефинирање на
сопственоста на домашниот миленик, за обезбедување навремена и
квалитетна здравствена заштита на животните и поголема
безбедност за сопствениците, од аспект на пренесување на
заразните болести од животните на луѓето.
Сопствениците кои ги имаат микрочипирано домашните миленици
ги потсетуваме дека имаат законска обврска секоја промена во
однос на податоците за животното, или сопственикот да ја пријават
до надлежното ветеринарно друштво кое треба да изврши промена
во електронската база на податоци. Во базата на податоци треба да
се евидентира и угинувањето, губењето или купопродажбата на
животните.
Микрочипирањето на милениците има за цел трајна идентификација
на животните, спречување на нивно напуштање и контрола на
нивното размножување, но и нивно полесно пронаоѓање во случај на
губење или кражба.
Со почит,
Агенција за храна и ветеринарство
Муслиманските верници влегуваат во месецот на постот
Февруари 18, 2026Вечерва започнува светиот месец Рамазан, период на пост, молитва и духовна посветеност за муслиманските верници. Со извршувањето на првата таравија молитва се означува почетокот на рамазанските денови, додека утре е првиот ден од постот. Рамазан ќе трае 29 дена, а верниците во овој период се воздржуваат од храна и пијалаци од изгрејсонце до зајдисонце, посветувајќи се на молитва и хуманост.
Крајот на постот ќе биде одбележан со празникот Фитр Бајрам, кој годинава се слави на 20 март.
Методија Куновски од претседател станува најголем критичар на СДСМ Битола или се враќа на чело на партијата!?
Февруари 18, 2026Случајот на новинарката Анета Блажевска: Судот ја осуди, ЗНМ ја награди за истражувачко новинарство
Февруари 18, 2026Нова пешачка патека во центарот на Битола
Февруари 18, 2026Општина Битола во соработка со јавното претпријатие „Паркинзи“ со физички пречки, односно столпчиња означи пешачка патека од двете страни на дел од улицата „Св.Кирил и Методиј“ која води од кај градската библиотека кон зградата на поранешната општина, објави градоначалникот Тони Коњановски.
Со ова веќе нема да има паркирање автомобили кои го попречуваа движењето на пешаците, улицата е еднонасочна, а вертикалната и хоризонталната сигнализација ја обезбедуваат патеката за слободно движење на граѓаните.
СИНПЕКС Битола е компанија која го поддржува спортот во градот.
Синоќа, на манифестацијата „Избор на спортист на годината“, во организација на Сојузот на спортови на Битола, СИНПЕКС доби признание за компанија која континуирано го поддржува спортот.
Наградата ја врачи Ѓуро Илиќ на Христина Фуна - косопственик и финансиски директор на Синпекс. 
"Ова признание не е само благодарница.
Тоа е потврда дека инвестицијата во спортот е инвестиција во дисциплина, карактер и иднина.
Во време кога многумина зборуваат за поддршка, ние одлучивме да бидеме дел од системот што создава резултати, на терен, во сала, на големи шампионати и на патеките на кои се трча.
Спортот не е трошок.
Спортот е стратегија.
Честитки до сите спортисти, тренери и клубови кои ја прават Битола град со спортска енергија.
Ние ќе продолжиме да бидеме таму каде што се создаваат победници", објави Христина Фуна 
"Пламенка" нова премиера на Битолскиот театар
Февруари 17, 2026Битолскиот народен театар ја најави најновата премиера – „Пламенка“, во режија на Софија Ристевска Петрушева, која ќе се одржи на 19.2.2026 година на матичната сцена. 
На денешната прес конференција присуствуваше и авторот на истоимениот роман Петре Димовски, чија „Пламенка“ добива нов сценски живот.
На прес-конференцијата беше присутна дел од актерската екипа и креативниот тим, кои зборуваа за процесот, предизвиците и возбудата што ја носи оваа поставка, а исто така и директорот на Центар за култура Битола, Сашо Илковски, кој се потпишува зад креативите, фотографиите и видео материјалите.
„Пламенка“ не е само премиера – таа е средба на литературата и театарот, на авторот и сцената, на зборот и емоцијата. 
Во Битола презентација на Националната стратегија за зоолошки градини
Февруари 17, 2026Денеска во Битола презентација на Националната Стратегија за Зоолошки градини, што ја организираше Битолската зоолошка градина со експрети од ова објаст, а која има за цел остварување на неколку цели кои пак ќе не усогласат и со директивите на Европската унија. 
Стратегијата е изработена со поддршка од Министерството за животна средина и просторно планирање, а направена врз основа на длабинска анализа на зоолошките градини во Битола и Скопје.
Општина Битола на вториот повик на Владата аплицираше и беше одобрен проектот преку министерството за култура и туризам за изградба на објект на Терариум и објект на Копитари.
Изградбата на ново живеалиште за копитари е во вредност од 9.634.336 денари, а изградба на современ терариум во вредност од 8.994.667 денари.
Овие инвестиции се дел од заложбите на Општина Битола за подобрување на условите во Зоолошката градина, создавање на современ простор за животните и овозможување на поквалитетно, едукативно и забавно искуство за сите посетители.
Како Општина продолжуваме да вложуваме и да се грижиме за зоолошката градина. 
