АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Јуни 30, 2026
Анета Блажевска
Коментирање на демократски процеси загарантирани со закон и устав, од страна на министер се ништо повеќе од неумесни што значи нема да коментирам, рече министерката за образование Мила Царовска запрашана како ги коментира изјавите на иницијативата ,,Настава и учебници мора да има" дека доколку биде успешен референдумот, а власта тоа го игнорира на есен ќе има бојкот на наставата.
,,Моја обврска е да одговорам до каде се реформите во образованието. Сите процеси зацртани согласно планот за реализација на новата концепција за основно образование се спроведуваат во дадените рокови. Концепцијата е донсесена. Наставните програми за прво одделение се донесени и објавени, исто и за четврто одделение. Повик за пишување на наставни материјали за прво одделение подготвени за прва тема и следуваат другите теми, значи оди цел систем на илустратори , автори за да може да влезат во печатење. Истото се однесува и за четврто одделение. Селекцијата на автори беше направена, а повиците за компании кои треба да ги дигитализираат дел од содржините е јавно достапен и селекцијата треба да се случи. Целиот тој процес во текот на летото да биде подготвен и во септември со нов концепт за прво и четврто одделение да ја стартуваме учебната година", рече Царовска.
Таа додаде дека има и повик за компании кои ќе работат на ниво на цела држава за обновување на кабинетите за приридни науки, во кои немало инвестиции години наназад.
,,.Тоа ќе започне во септември, а до крајот на декември ќе ги имаме опремени сите училишта со кабинети, витрини, зависно од големината на училиштето и потребите", рече министерката.
Дали учениците ќе се вратат во училиштата со физичка настава наесен, Царовска рече дека ќе зависи од здравствената состојба. Во однос на свидетелствара напомена дека се бесплатни и да не им се бараат пари на учениците по училиптата за нивна набавка и печатење.
Поставена нова маса за шах во паркот кај Јени џамија
Јуни 09, 2021Љубителите на друштвените игри ќе можат да ја користат новата маса со клупи за шах, која е поставена во паркот кај Јени Џамија во Битола.
На иницијативата на Иутекредит Македонија филијала Битола, заменета е постоечката стара клупа за друштвени игри со нова, според Програмата за поставување урбана опрема на Општина Битола, во делот на паркот кај Јени џамија. На примопредавањето во функција на новата маса за шах, градоначалничката Петровска им се заблагодари на претставниците од Иутекредит Македонија и најави можност за следна соработка.
„Во животот убавите нешта лежат во едноставните работи како што е ова денес, кое што и тоа како ја збогатува можноста на граѓаните навистина да уживаат во ладовина и во играта која што е овозможена во овој простор, каде што веќе имаше ваква маса, но забот на времето си го направи своето. Кога зборуваме за урбаната средина, не се важни само големите инфраструктурни зафати. Битно се и ваквите елементи кои што му даваат душа на се друго што правите“ рече градоначалничката Петровска.
Претставниците на Иутекредит Македонија посочија дека ваквиот вид на донации го работат заедно со Пакомак, со цел да се испрати еко порака за селектирање на отпадот.
„Со донацијата сакаме да ја разубавиме средината во градовите каде што имаме експозитури, но и онаму каде што немаме. Среќни сме што Општина Битола ја прифати донацијата, а локацијат на која што е постаена е одлична и се надевам дека многу минувачи и граѓани на Битола тука ќе поминуваат убави моменти“, истакна Јасмина Апостоловска, раководител на одделот за маркетинг во Иутекредит Македонија.
Задоволството беше големо и за случаните минувачи кои веднаш ја искористија можноста за играње шах на новата табла. Оние пак, кои што немаат фигури, истите можат да ги подигнат од филијалата на Иутекредит.
Речиси 6 милиони евра финансиска поддршка за 2200 угостители кои во април беа под клуч
Јуни 08, 2021На денешната седница Владата донесе одлука со која е овозможена поддршка за вкупно 2.204 компании од угостителската дејност, коишто беа затворени во периодот од 6-ти до 27-ми април, или вкупно 21 ден, за време на забраната за работа како мерка за спречување на ширењето на КОВИД-19.
Од 1 октомври недела ќе биде неработен ден
Јуни 08, 2021На денешната седница, Владата на Република Северна Македонија го утврди текстот на Предлог-законот за недела – ден на неделен одмор и утврдениот текст на овој Закон ќе биде испратен на усвојување до Собранието.
Под мотото "Доста е! Излези за Македонија", ВМРО-ДПМНЕ денес организираше протест со блокада на кружниот тек кај Безистенот од 15 до 17 часот. Протестираат со барање Владата јавно да го објави, патоказот за преговорите со Бугарија.
Блокади на крстосници имаше и во Скопје и уште 10 други градови низ земјава. Како што рече претседателот на ВМРО-ДПМНЕ Христијан Мицкоски, протестите се единствен начин да се спречи барањата на Бугарија да станат дел од преговарачката рамка со ЕУ и на тој начин проблемот што го имаме со Софија да стане проблем со ЕУ. Мицкоски рече дека тоа го дознал од високи дипломатски извори од Брисел и Софија.
Протести ќе се одржат и утре од 15 до 17 часот
Покрај тоа што го исчитија од расфрлениот смет местото Чешмите кај Гавато, познато по тоа што патниците таму застануваат на почивка додека патуваат по регионалниот пат Битола- Ресен, Доброволното противпожарно друштво „Архангел“ успеа да пушти и вода во чешмите кои беа секнати подолго време. Тие ги исчистија цевките од изворот кои беа затнати и водата почна да тече како во минатото кога битолчани застануваа на тоа место посебно преку лето да се разладат.
На 30 мај, поточно пред еден недела, на иницијатива на Доброволното противпожарно друштво „Архангел“ Битола со поддршка од ЈУ Национален парк Пелистер, ЈКП Комуналец, ЈП за одржување и заштита на магистрални и регионални патишта Македонија Пат- Битола, „7-ми Мај“ Битола, како и други фирми и граѓани се изведе еко акцијата на местото Чешмите-Ѓавато. На акцијата учествуваа околу 40 учесници кои успеаја да соберат околу 5 тони отпад и 4 камиони гранки и друга дрвна маса
Од „Архангел“ апелираат до посетителите да се одржува местото чисто. Поставени се буриња за отпадоци, па отпадот да се фрла во нив, а не наоколу.
Здружението во четврток на 10 јуни организира крводарителска акција во 9 часот во просториите на Одделението за трансфузија во Клиничка болница Битола. Ги повикуваат сите хумани граѓани кои сакаат да даруваат крв да им се придружат.
Најчитани
