На 09.06.2029 во 21.40 часот на патот Битола - Ресен, полициски службеници од Отсекот за недозволена трговија со дрога и оружје од Одделението за криминалистичка полиција при СВР Битола и од Полициско одделение за БПС од ОВР Ресен ги лишиле од слобода С.Ф.(39) од Скопје, со живеалиште во Ресен и Ш.А.(54) од Ресен. При преглед во патничко возило „опел“, управувано од С.Ф., а сопатничка била Ш.А. бил пронајден и одземен хероин. Тие биле приведени во полициска станица и по целосно документирање на случајот против нив ќе биде поднесена соодветна пријава.

И изминатите денови полицијата фати дилер на наркотични средства од Битола, во чиј дом при претрес беше откриен кокаин, а уапсен беше и 21- годишен битолчанец кај кој беше пронајден хероин. 

Советниците на денешната седница го изгласаа решението за давање согласност на статустот на новата установа која се формира, поточно Јавната општинска установа Културен и информативен центар. Установата ќе има за цел да управува со дел од култуните објекти и случувања во градот. 

Со блокада на една од најфреквентните сообраќајници во центарот на Битола, ВМРО-ДПМНЕ ги продолжи протестите кои започнаа вчера во Скопје и во уште 10 градови низ дражавата под мотото „Доста е, излези за Македонија“. Во Битола протестот започна во 15 часот на крстосницата меѓу улиците „Никола Тесла“ и „Димитар Илиевски Мурато “ и ќе траеше до 17 часот. Целта е како што велат од партијата, власта да го даде на увид Патокозат во преговорите со Бугарија.