Заедничка алтернатива -Битола заедно со своите гости -соработници „22 Нентори“ и Зур „Македонски ракотворби“,со поддршка на јавните битолски претпријатија: „Комуналец„ ,„Водовод“,„Нискоградба“,„Пазари“ и синдикатот на Рек- Битола денеска на -15°С им ги стоплија срцата на старите лица од домот Сју Рајдер-Битола со коледе и бадникова трпеза,каде што членовите од невладиниот сектор беа топло примени од директорката Јулијана Котевска Богдановска и нејзиниот персонал.Настанот беше заокружен со прекрасни божикни песни во изведба на детското хорче Бадникова поворка.

И на Бадник е топ во Ски центaрот Нижеполе. Ски патеката и околните терени се полни со скијачи и други љубители на белите спортови и планината. Меѓу гостите има дечиња од неколку години кои за првпат застануваат на скии, до повозрасни гости кои искусно скијаат. На паркингот има и возила со скопски регистрации што укажува на тоа дека и скопјани скијат на Пелистер. Оние посетители кои не знаат да управуваат со скии, уживаат санкајќи се.

Најстуденото утро во Македонија денеска го имаа битолчани  со температура што се спушти до минус 21 степен.

Времето утрово е умерено до значително облачно и многу студено. Локално во северните и североисточните делови провејува снег.

Во текот на денот се очекува променливо облачно време. Локално, особено во северните делови, ќе има слаби врнежи од снег. Попладне во централните и јужните делови ќе има сончеви периоди. Ќе дува умерен, а во источните делови засилен северозападен ветер.

Максималната температура ќе достигне од минус четири до четири степени.

Во наредните денови ќе преовладува променливо облачно и студено време со максимални дневни температури под или околу нулата. Утринските температури ќе бидат многу ниски, а најстудено се очекува да биде во вторник наутро кога речиси во целата земја температурата ќе се спушти под -10, а на повеќе места и под –15 степени. Нови пообилни врнежи од снег се очекуваат во среда.

И на минус 16 степени Целзиусови и загаден воздух од 172 микро грами на метар кубен измерени во 22 часот од мерната станица во центарот на градот, битолчани останаа верни на традицијата и ги запалија коледарските огнови. Овој адет во Битола е стар со децении и ниедна година нема отстапување без разлика на студот. Роднини, пријатели, соседи се собраа околу огништата и ја минуваат ноќта во дружба.

Градскиот зелен пазар во Битола и Новиот реонски пазар со кои стопанисува ЈП „Пазари“ се комплетно исчистени од снегот за да можат  и продавачите и купувачите слободно да продаваат и пазаруваа за престојните празници.

Кога снежната покривка на Пелистер достигнува и до еден метар, прихраната е  добредојдена за дивечот. Фотографите  од овие срни на хранилишта е направена денеска со системот за мониторинг на крупниот дивечот во Националниот парк "Пелистер" каде во ноемви минатата година се поставени 10 фото замки на повеќе локации.

Овој викенд ски центарот Вигла во Леринско, Грција, остана без македонски скијачи. Љубителите на зимските спортови од југозападниот дел на земјава, кои беа редовни гости таму зашто на нашите ски терени немаше снег, овој пат останаа да скијат на Пелистер. Снегот кој наврна деновиве создавајќи снежна покривка од педесет сантиметри, подготвеноста на ски центрите во Нижеполе и Копанки, како и трипати поевтиниот дневен билет од оној во Грција, ги вратија туристите дома.

По снежната ноќ, во Битола денес температурата падна до минус седум степени, а снежната покривка се искачи над триесетина сантиметри. Во текот на денот се очекува температурата да биде максимално до четири степени под нулата, а во попладневните часови да спадне до минус седум , вечерта на минус девет степени, а можно е и поголемо заладување.

По снежната ноќ, во Битола денес температурата падна до минус седум степени, а снежната покривка се искачи над триесетина сантиметри. Во текот на денот се очекува температурата да биде максимално до четири степени под нулата, а во попладневните часови да спадне до минус седум , вечерта на минус девет степени, а можно е и поголемо заладување. . 

Инаку, денес на Пелистер започна ски сезоната во ски центрите „Нижеполе“ и „Копанки“. Патот до Нижеполе е прооден, а до ски центраот „Копанки“, како што кажуваат скијачи кои веќе се искачиле, механизацијата на „Македонија пат“ утрово го исчистила снегот, но поради обилните врнежи од вчера, сепак патот е препорачлив за возила со зимски гуми, а никако не со летни.