АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Јуни 22, 2026
Анета Блажевска
Книжевниот клуб „Утопија“ во Битола со инспиративна вечер посветена на нобеловката Хан Канг
Јуни 23, 2025Книжевниот клуб „Утопија“ во Битола и вечерва беше центар на нова инспиративна средба на вљубениците во убавиот пишан збор и книжевните дискусии посветени на јужнокорејската писателка Хан Канг, добитничка на Нобеловата награда за литература.
Дискусијата беше поттикната за романот „Вегетаријанка“, награден со Меѓународната книжевна награда „Букер“, моќен роман за парадоксалната битка што мора да ја водиме за да бидеме тоа што сакаме да бидеме.
Говорници на вечерта беа проф. д-р Билјана Граматковски, од Педагошкиот факултет во Битола и д-р Марина Кузмановска, доктор на педагошка и образовна психологија, лиценциран психолог и Гешталт советник, со долгогодишно искуство.
На книжевната вечер силен впечаток врз присутните оставија излагањата на Граматковски и Кузмановска испреплетувајќи го сопственото искуство со приказната за младата жена Јонг-хе , алегорија за трансформациите и преиспитувањата преку кои се откриваме или се губиме себеси, преку кои бараме љубов и добиваме омраза.
Анализа на приказна за која се верува дека дневниците на Кафка се само некои од делата чии одеци може да се насетат низ „Вегетаријанка“.
А.Б
Општина Новаци донираше опрема за кабинетот за физиотерапевтски техничар до Медицинското училиште во Битола
Јуни 23, 2025Битолчанката Јана Блажевска оперска певица одржа концерт во Виена како студент на Универзитетот за музика
Јуни 21, 2025Во свечената сала Amtshaus во Виена, на 20 јуни 2025 година, млада македонска оперска пејачка Јана Блажевска остави неизбришлив белег. Деветнаесет годишната судентка на универзитот за музика на град Виена (MUK), заедно со уште четворица колеги од истата установа, приредија незаборавен концерт кој ги воодушеви љубителите на класичната музика. 
Гостувањето во величествената сала на Amtshaus беше потврда за професионализмот што го нуди MUK. Под водство на врвни педагози и диригенти, Јана се издвојува како една од најветувачките млади оперски гласови. Во програмата беа вклучени композиции од Хендл, Моцарт, Форе и Белини, кои тие ги изведоа со неверојатна емоција.
Патот на Јана започна уште во родниот град Битола во Државното музичко училиште под водство на проф. м-р Маја Митровска, каде што ја стекна солидната основа што ѝ овозможи да продолжи студии на МUK – една од најреномираните музички академии во Европа. Нејзината визија за иднината вклучува солистички ангажмани во престижни европски оперски куќи, како и продолжување на усовршувањето преку мастер класови.
Со вакви ангажмани и достигнувања, Јана Блажевска јасно покажува дека македонската оперска школа продолжува да носи врвни артисти во светски рамки. Само една година по заминувањето од Битола, таа сега го претставува не само Државното музичко училиште, туку и својата држава пред публиката на Виена. 
Реакција на РЕК "Битола "
Техно Коп Плус ДООЕЛ Битола е избрана за компанија за технолошко чистење, откако ги исполнила сите наведени критериуми по јавниот повик. Овој понудувач, понудил за 30% пониска цена од досегашната договорна. Иако одлуката е донесена, договорот сè уште не е потпишан поради тековната жалбена постапка. Договорот ќе биде склучен по истекот на овој период.
Сакаме да нагласиме дека немаше хаварија туку најверојатно ни се случи саботажа. Целиот настан во моментов е предмет на истрага од надлежните институции.
Во меѓувреме, додека технолошкото чистење од надворешни изведувачи е во прекин, преземаме проактивни мерки за внатрешно справување со сите отворени прашања.
Се вложуваат максимални напори за повторно ставање во функција на Блок 2 и Блок 3. И двата ќе бидат за многу кратко време спремни за синхронизација на мрежата а кој од нив ќе влезе, ќе одлучи раководството на РЕК Битола. Во овој период заради обемот на конзумот, нема потреба да "возиме" со 2 блока.
Во меѓувреме снабдувањето со електрична енергија во државата е целосно обезбедено. Ова се постигнува преку ТЕ Осломеј, зголеменото производство од хидроелектраните на АД ЕСМ, како и преку балансирана набавка и продажба на ел. енергија преку МЕМО.
Погледнете каков талент е Ана Марија Радевска, петнаесетгодишно девојче од Битола. 
Ана Марија на 18 јуни ја имаше својата прва самостојна изложба во НУ "Св.Климент Охридски" Битола. Таа е ученик на познатиот ликовен педагог Анкица Стевановска од ликовното студио Адамс Арт во Битола. 
Младата уметница Ана Марија Радевска го привлекува вниманието со стилот на изработка на икони и цртежи со впечатливи мотиви и умешна комбинација на бои. 
Синоќа, во просториите на Националната Библиотека во Корча, беше отворена изложбата „Приказните од Градиште“, чиј што автор е археологот Енгин Насух, кустос советник при НУ „Завод и музеј“ – Битола. 
- Ова е трета изложба која нашата институција ја поставува во Албанија, а во рамките на проектот SMART4YOU2, кој што е кофинансиран од страна на Европската Унија, во рамките на третиот повик на IPA програмата за прекугранична соработка помеѓу Република Северна Македонија и Република Албанија.
Оваа изложба имаше за цел пред пошироката албанска јавност да ги претстави исклучително вредните наоди кои што се откриени на локалитетот Градиште во близина на с. Црнобуки, за време на археолошките истражувања кои веќе пет години се одвиваат на овој локалитет, објави Мери Стојанова кустос во Завод и музеј Битола.
На изложбата покрај присутните посетители имаше претставници и на локалните и националните албански медиуми, кои ја пренесоа оваа информнација до пошироката јавност, вели Стојанова. 
Текст и фото - Фејсбук Мери Стојановa - кустос во Завод и музеј Битола 
Текст и фото - Фејсбук Мери Стојановa - кустос во Завод и музеј Битола
Најчитани
