Битолчани уживаат во природа,на отворено и ги бројат  минутите до  полицискиот час кој од денеска со олеснување на мерките започнува во 19 часот, па се до 5 часот наутро. И во овие сати многумина битолчани се уште уживаат во погледот на градот од ридот кај старите авиони од поранешната касарна. 

Една врабтена од медицинскиот персонал во Домот за стари лица Сју Рајдер во Битола е позитивна на КОВИД-19, покажало тестирањето кај неа направено минатата недела, потврди за апла.мк диркторката на оваа установа Јулијана Котевска. 

По повод Светскиот ден на книгата, Апла.мк ја запраша градоначалничката на Битола м-р Наташа Петровска која книга од прочитаните ѝ оставила најголем впечаток. Нејзиниот одговор е „Дервишот и смртта’’ од Меша Слимовиќ.

Националниот парк „Пелистер“ на својата фејсбук страница објави прекрасни фотографии од Големо Езеро на Пелистер направени од познатиот битолски фотограф Петар Ставрев.  Во услови кога важи забраната за движење во шума, барем преку фотографија да можеме да уживаме во оваа безвременска убавина. 

Ставрев за Апла.мк вели дека Големото Езеро досега го фотографирал безброј пати, во секакви временски прилики и во сите годишни времиња.