Центарот за управување со кризи будно ја следи состојбата и преку своите Регионални центри навремено ги извести субјектите на СУК за навремено превземање на мерки и активности за спречување или надминување на последиците од излевање на водотеците.

Според информациите добиени од Регионалните центри за управување со кризи, засега состојбата со водотеците е стабилна, има зголемувања на водостојот, но нема излевања на истите, освен во Битолскиот регион.

По обилните врнежи од дожд на подрачјето на општина Битола во атар на с.Дихово е излеана Диховска Река и поплавена е помала земјоделска површина. Исто така, излеан е канал кај Брусничко Лавчански регион 1. Во атар на с Породин излеан е канал и поплавена е Живинарска фарма. Известени се надлежните субјекти и во моментов екипите се на терен.

Полноводие во водотеците на Пелистер, Лак Поток и Црвена Река од кои Јавното претпријатие „Водовод“ црпи вода, соопштија надлежните. Водата надојде со обилните дождови кои врнат деновиве и засега позитивно влијае во однос на сушниот период од претходно.