Македонски студенти преку Еразмус плус програмата за студентска мобилност најчесто заминуваат на универзитетите во земјите од регионот, а Италија, Хрватска и Бугарија се меѓу првите топ дестинации, рече Марко Ѓоргиевски, директор на Националната Агенција за Европски образовни програми и мобилност. Тој на Универзитетот „Св Климент Охридски“ во Битола ги презенираше можностите од новиот повик за Еразмус плус програмата , објавен вчера од Европската комисија, според кој за нашата земја ќе следуваат шест милиони евра за проеКти.

„Така е најверојатно поради близината, но и поблискиот менталитетот кој го имаме. Имаме студенти од околните земји, а меѓу првите топ земји од каде ни доаѓаат студенти преку мобилност се Турција, Италија, Хрватска Бугарија“, рече Ѓоргиевски.

Од 2014 до 2020 година околу 2000 студенти од Македонија заминале на пракса или мобилност надвор, а нешто повеќе, поточно околу 2300 студенти дошле од другите земји да студираат на нашите високообразованио институиции. Според Ѓоргиевски, ова е доказ дека и во странство ги препознаваат нашите универзитети и парктичната работа. 

„На Универзитетот во Битола беше презентирана новата Еразмус програма за следната година, а токму таа програма е еден од столбовите на функционирањето на нашиот Универзитет од аспект на опрема, како и мобилности на студенти и наставен кадар“, рече ректорот Игор Неделковски. 

Тоа што се избираат земји од опкружувањето е и поради финснсиската моќ на студентите. Но, сепак има и мобилности во поразвиените европски земји.

„Нашите студенти најчесто бираат во регионот да се на мобилност, но имаме забележителни бројки во подалечните европски земји како Франција, Германија, Белгија, тоа се земјите во кои последните години добиваме малку поголеми бројки на влезни мобилности за студенти. Педагошкиот факултет од Битола во неколку наврати беше домаќин на поголеми групи на студенти од Шпанија“, рече Нуртен Сулејмани, еразмус офицер на Битолскиот универзитет.