Младински културен центар – Битола по повод 5-ти декември Меѓународниот ден на волонтерите, од 2006 година востанови Национални волонтерски награди. По 15-ти пат, го упатуваме овој ЈАВЕН ПОВИК до сите граѓански здруженија, фондации, неформални групи, локални самоуправи, јавни институции, државни органи и други организатори на волонтерска работа да предложат волонтери/ волонтерски иницијативи/ волонтерски програми за:

ЗЛАТЕН СЕРТИФИКАТ ЗА ВОЛОНТЕРСТВО ВО 2020 ГОДИНА

Предложените волонтери/ волонтерски иницијативи/ волонтерски програми треба да ги исполнуваат следните услови

Иницијативите/ програмите да се реализирани во Република Северна Македонија

Предложените волонтери да се граѓани на Република Северна Македонија

Да имаат значителни достигнувања и резултати во волонтерскиот ангажман и во промоција на волонтерската работа во текот на 2020 година

Ве молиме за предложените волонтери/ иницијативи/ програми да испратите кратко образложение (до максимум 200 зборови) зошто сметате дека треба да го добијат признанието (со краток опис на волонтерскиот ангажман/ програма и контакт податоци на волонтерот или волонтерската иницијатива/ организација).

Краен рок за доставување на предлозите е петок 27 ноември 2020 година до 16.00 часот со пополнување на формата на следниот линк:

Наградените ќе бидат известени до четврток 3ти декември 2020, а јавно ќе бидат објавени во сабота на 5ти декември 2020 година.