Успешна во пристапувањето и искористувањето на европските фондови е Општината Новаци–оцени евроамбасадорот на ЕУ во Македонија, Самуел Жбогар, при денешната посета на Општина Новаци и дел од туристичките локации во овој регион.

Општината Новаци во моментов работи на прекуграничен проект со Грција, кој што започна во мај 2018 година, а ќе заврши во мај 2020 година

Со пари од европските фондови досега се финансирани проектите „Жива историја, жива природа“, беше саниран покривот на црквата во Градешница, мостот во Зовиќ и куќата на Калеш Анѓа во Старавина. Додека пак во проектот „Жива историја, жива природа 2“ беше изграден рекреативниот центар на Коњарка.

-Со амбасадорот Жбогар разговаравме за проектите финансирани од Европската Унија кои ги реализиравме во минатиот период, и лично ќе ги посетиме да види амбасадорот што се е направено со европски фондови. Исто така се договоривме за начинот како во иднина можеме да ги користиме тие европски фондови. Го информиравме амбасадорот дека како општина можеме да ги изработиме тие проекти  што се потребни за да ги поминат тие филтри, за да можеме да ги користиме парите наменети за руралните општини, рече градоначалникот на Општина Новаци, Љубе Кузманоски.

Шефот на Делегацијата на Европската унија во Скопје, Самуел Жбогар, рече дека една од првите препораки што ги добил на почетокот од неговиот мандат било да го посети ова подрачје, да ја истражува природата и го разбере подобро и карактерот на луѓето.

–Како што можете  да забележите ги зачестивме нашите посети на општините, важно ми е да разговарам со луѓето , со градоначалниците и некако да го почувствувам пулсот, односно подобро да разберам каква е оваа земја.  Во оваа прилика морам да истакнам дека иако по бројноста на населението Општината Новаци е доста мала општина, сепак од друга страна е мошне успешна во пристапувањето и искористувањето на европските фондови – нагласи евроамбасадорот Жбогар.

Амбасадорот смета дека од особена важност за Општината Новаци ќе биде поддршката од европските фондови за проектот за наводнувањето, проект што ќе му биде од голема помош за земјоделците и ќе им го олесни  на некој начин животот, а било разговарано и за туристичките потенцијали во овој регион.

Лидерот на опозицијата, при својата посета на Битола, повторно се наврати на проблемот со иселувањето на младите, кој не беше толку актуелен за нив кога немо го следеа најбројното исселување на нашите другари и другарки, рече на денешниот прес Васко Колевски од СДММ Битола.

„Почитувани носители на власта време е да му признаете на граѓаните дека во оваа држава единствените кои постојано бегаат сте вие. Време е да го погледните народот во очи и да признаете зошто бегате од предвремени парламентарни избори, зошто не сакате да се соочите со граѓаните и со суровата вистина дека ги излажавте и ги разочаравте“, пишува во реакцијата на ВМРО-ДПМНЕ по саботниот прес на Борче Корлевски од СДСМ.

„Претседателот на ВМРО-ДПМНЕ г-дин Христијан Мицкоски викендов беше во дводневна посета на Битола, два дена помеѓу граѓаните, слушајки ги нивните реални проблеми, потреби и нивните предлози за подобро утре, она што вие се плашите да го направите. Наместо на лидерска средба Мицкоски беше помеѓу македонскиот народ на средба од која вие веќе 2 и пол години бегате“, пишува во реакцијата.