АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Јуни 15, 2026
Анета Блажевска
Со традиционалниот марш низ Широк Сокак одбележан Светскиот ден посветен на слепите лица и лицата со оштетен вид
Октомври 13, 2025Се продаде Стопанска банка Битола, нов сопственик е српската Алта Банка
Октомври 13, 2025Алта банка од Србија е новиот сопственик на Стопанска банка Битола. Понудата ја прифатиле 262 акционери. Тие продале вкупно 344.420 хартии од вредност, што претставува 88,09 отсто од акционерскиот капитал.
Во името на Алта банка, известувањето за исходот на понудата за преземање го објави нивниот застапник во Македонија, адвокатот Александар Кралевски.
Банката од Белград понуди по 3.777 денари за акција издадена од Стопанска банка Битола. Потребно беше да се продадат најмалку 273.795 акции, односно 70,03 отсто од вкупно издадените 371.538 обични акции со право на глас.
80 години ФК Пелистер -Доделени признанија за заслужни членови на клубот
Октомври 13, 2025Синоќа во преполниот Офицерски дом во Битола се одржа свечената академија по повод големиот јубилеј 80 години од постоењето на ФК Пелистер.
Во присуство на сегашни и поранешни играчи, тренери, спортски работници, навивачи и пријатели на клубот, со емоции и гордост се потсетивме на најубавите моменти од долгата и богата историја на Пелистер.
Беа доделени признанија за заслужни членови на клубот, а преку видео материјали, фотографии и лични сведоштва беше прикажана приказната за еден од најголемите спортски симболи на нашиот град.
Јубилејот беше заокружен со пријателски натпревар од посебно значење, на кој Пелистер ги одмери силите со романскиот гигант ФК Динамо Букурешт. На трибините се почувствува магијата на фудбалот, а на теренот, гордоста на Битола. Со сигурна и инспирирана игра, Пелистер славеше со 2:0, покажувајќи дека духот на клубот е посилен од кога било.
Но, ниеден момент не би бил ист без срцето и душата на битолскиот спорт, Чкембарите. Верните навивачи, кои годинава прославија 40 години постоење, ја претворија атмосферата во вистински спектакл. Со своето препознатливо навивање, транспаренти и зелено-бели факли, тие уште еднаш покажаа дека љубовта кон Пелистер не е само страст, туку тоа е начин на живот.
Битола сјаеше во боите на клубот. Во чест на овој јубилеј, Саат кулата, Офицерскиот дом и античкиот локалитет Хераклеа беа обоени во боите на Пелистер, како симбол на вечност, сила и надеж. Градот дишеше во ритамот на љубовта кон најсветиот симбол на битолскиот спорт.
Осум децении впишана историја, стотици генерации, илјадници спомени....затоа ФК Пелистер е гордост, идентитет и легенда која продолжува да се пишува со секој натпревар, со секоја песна и со секој глас од трибините.
Нека се множат годишнините и јубилеите на ФК Пелистер, симболот на Битола, кој ќе остане вечно обележје на македонскиот фудбал.
Чулакоски со уличарски речник испрати порака до политичките противници
Октомври 12, 2025Советникот на Поинаку Иван Чулкоски и кандидат за советник за актуелните локлани избори вечерва се обрати преку Фејсбук до политичките ривали со недоличен речник и пораки со што го спушти нивото на комуникација во политичката кампања употребувајќи вулгарности и простачки речник. Чулакоски употребувајќи уличарски фрази, на политичките противници им порачува дека единствено што можат да им направат е да ги "избричат". Фејсбук обраќањето на советникот ви го пренесуваме во целост. " Лажни профили, лажни вести, искомплексирани карактери со мали алатчиња, партиски ботови, партиски послушници, платеници... УДРЕТЕЕЕЕ!!!!
Ништо не ви сметаше до сега, ќутевте ко мачиња 35 години дури ни го грабеа градот и државата па сега зеле не пратат низ град, не сликат, па камиончето било на криво паркирано, па Чулако не знаел да вози, па сме биле платени од незнам кој, па не знам уште шо не!
Знам дека од партија ви кажаја дека треба со цела сила да удрите на Поинаку , на Габи и на Чулако оти нешто ви ги матат сметките и анкетите, ама џабе е... Не ви врви!
Единствено шо можи да напрајте во моментот е со зелена срча од Пелистерка да ни извршите една мала берберо - фризерска услуга" , пишува Чулакоски.
Анализа на ,,Геосфера" Битола - Што нудат на тема екологија кандидатите за градоначалник на Битола
Октомври 12, 2025Во пресрет на Локалните избори за 2025 год., Геосфера-Битола, врз основа на објавените изборни програми и дадените изјави во медиумите и социјалните мрежи, изработи компаративна анализа на изборните програми на кандидатите за градоначалници на Општина Битола за вклученоста на еколошките теми во изборните програми. Анализирани се шест области, односно застапеност на мерки и предлози за решавање на проблемите во областите:
• Воздух,
• Вода,
• Отпад,
• Урбана мобилност,
• Урбано зеленило и
• Капацитети на општината.
Преку анализата, секој граѓанин на Битола, ќе може да направи споредба на изборните програми меѓу кандидатите за градоначалници и нивните мерки и предлози во решавањето на еколошките проблеми во општината.
Анализата е изработена од страна на Регионалното географско друштво ГЕОСФЕРА - Битола во рамките на проектот „Регионално партнерство за подобро спроведување на Зелената Агенда на локално ниво“, спроведуван од страна на Центар за климатски промени во соработка со партнерите Еко зелено движење, Екотуризам – 2016 Охрид, Креактив, Фондација за локален развој и развој на информатички технологии, Национален ромски центар и Ецо ацтион. Проектот е финансиран од Швајцарската Амбасада преку програмата Цивика Мобилитас.
Коњановски домаќин на фудбалерите од Динамо Букурешт
Октомври 12, 202580 години ФК Пелистер!
Денес во Општина Битола остваривме прием со највисоките претставници на ФК Динамо Букурешт – Андреј Николеску (претседател), Козмин Михалеску (спортски директор), Богдан Алеку (директор за комуникации) и Костир Шолц (претставник на клубот), објави градоначалникот Тони Коњановски. 
Во пријателска и спортска атмосфера разменивме специјални дресови по повод 80 години од основањето на Пелистер.
На гостите од Романија им посакав пријатен престој во нашиот град, натпревар за уживање и многу успеси во нивниот шампионат.
Како дел од роденденската прослава, попладнево следуваат Свечена академија, пријателски натпревар, објави Коњановски
ЗНАМ има своја листа на советници и дава целосна поддршка на кандидатот Тони Коњановски за градоначалник
Октомври 12, 2025Движењето ЗНАМ за наша Македонија на локалните избори во Битола има своја советничка листа и дава целосна поддршка за кандидатот за градоначалник на ВМРО ДПМНЕ Тони Коњановски. Во Битола Коњановски присуствуваше на одбележување на годишнина на политичката партија движење ЗНАМ за наша Македонија на која оствари средба со потпретседателот на ЗНАМ Весна Бендевска, со носителот на листата на ЗНАМ за Битола Јагода Талевска и со кандидати од советничката листа. 
- Средба, на која беше изразена јасна поддршка за мојата работа како Градоначалник на општина Битола.
Поддршката е потврда дека заедно, преку партнерство и заеднички цели, можеме да постигнеме многу повеќе за Битола и битолчани.
Се заблагодарив за безрезервната довербата и на споделената визија за современа, уредена и силна Битола.
На 19 октомври ќе ја потврдиме довербата и ќе ја однесеме Битола кон нова победа, објваи Коњановски.
Пожарникарот - спасител Александар Тодорчевски Ато е кандидат за советник на СДСМ за Битола
Октомври 12, 2025Битолскиот пожарникар Александар Тодорчевски - Ато е кандидат за советник од листата на СДСМ и коалицијата. Александар е познат на јавноста во градот особено по една тешка ситуација минатата година со пожар над Обиколницата каде за да им помогне на колеги самиот се здоби со тешки изгореници.
Тодорчевски има завршено високо образование со стекнат стручен назив - инженер по биотехнички науки, а работи како пожарникар - спасител.
"Многу сограѓани ме познаваат како страствен вљубеник во спортот, а посебно во ракометот и присутен сум скоро на сите спортски настани.
Битола е мојот град и со ова кандидатирање за советник посакувам да направам нешто за поубава, почиста и помодерна општина со која ќе се гордеат идните генерации"., вели Тодорчевски и ја бара довербата на битолчани за локалните избори.
Димитар Кузмановски кандидат за советник на ЛДП - Бараме широка јавна дебата за и против изградба на депонија во Пелагонија
Октомври 11, 2025Димитар Кузмановски, носител на листа на Коалицијата Искуство за Успех, предводена од ЛДП изјави дека Либерално демократската партија од Битола е против изградбата на депонија во Мегленци од типот и обемот што го предлагаат надлежните институции на државата и градот Битола.
"Сметаме дека е недозволиво во Пелагонија – најголемата житница на Македонија – да се складира и одлага толку голема количина на отпад, и тоа од дури 18 општини.
Битолскиот регион и онака е прекумерно загаден од работењето на РЕК Битола, па дополнителна еколошка катастрофа, каква што би предизвикала ваква депонија, е неприфатлива.
Немаме доверба дека институциите се способни да реализираат ваков проект на безбеден и современ начин. Доказ за тоа се честите пожари и нефункционалноста на депониите во другите делови на државата, особено во Скопје.
Бараме широка јавна дебата со сите засегнати страни – невладини и еколошки организации, експерти, политички партии и граѓани, како оние што се против, така и оние што се за ваков проект", изјави Кузмановски.
Коалицијата предлага
• Да се изгради регионална депонија само за потребите на Пелагонискиот регион – Битола, Новаци и Могила.
• Депонијата да биде од затворен тип, во согласност со сите меѓународни стандарди.
• Отпадот да се сортира и складира по видови на одделни места.
• Да се овозможи рециклажа на сите материјали кои тоа го дозволуваат (стакло, хартија, пластика и др.).
• Секое домаќинство да добие различни канти за отпад, а примарната селекција да ја вршат самите граѓани.
• Да се користат различни возила за различни типови отпад, со цел да не дојде до мешање.
• Депонијата да се отвори со валидни сертификати за складирање, управување и рециклажа на отпад.
• Процесот на работа да биде строго контролиран и транспарентен, со јавен мониторинг систем 24/7, достапен за сите жители.
"На Битола и на Македонија им се потребни внимателни, промислени и одговорни одлуки кога станува збор за потенцијални загадувачи и „тивки убијци“ на здравјето на граѓаните, веќе доволно погодено од загадениот воздух, почва и вода", вели Кузмановски
Се запали кола на плин во Горно Оризари, пожарникарите од Битола успешно спречија опасна ситуација
Октомври 11, 2025Се запали кола на плин во населбата Горно Оризари во Битола, пожарникарите се справија успешно со ситуацијата во која истекуваше плин од возилото.
Примена дојава во 15:30ч. за запалено возило во Горно Оризари ТППЕ Битола интервенираше со 1 возило и 5 пожарникари. При интервенцијата од возилото успешно и професионално е отстранета и дислоцирана плинска боца под притисок која испушташе плин и претставуваше опасност за населението и објектите околу неа. -Со храброста, посветеноста, дисциплината и секојдневните многубројни и високоризични интервенции ТППЕ БИТОЛА повторно jа докажаа својата професионалност, објавија битолските пожарникари.
Најчитани
