Ниту една констатација во текстот за планираното зголемување на цената на водата не ја издржува постапката на проверката на факти, затоа што во длабокото тонење и броените денови на власт ескалира безумноста, нелогичноста и очајот, па така  продолжува нивниот обичај да соопштуваат нејасни памфлети од партиската говорница.

Господа од СДС цената на водата ја определува Регулаторната комисија според утврдената методологија и никој друг, а најмалку директорот на Водовод или локалната власт!

Синоними за владеење на СДС и ДУИ се “матни зделки, партиски прослави и куфери со кеш” како и пропаднатото специјално обвинителството.

Тоа е одликата на владеењето на оваа власт во заминување !

Почитувана јавност, граѓаните и Македонија ја живеат најголемата економска криза и пропаст токму благодарение на криминалната, коруптивната и неспосбната власт на СДС во овие седум години!

Почитувани кој е одговорен за очајното лошо менаџирање на енергетската криза и зголемувањето на цената на нафтата и нејзините деривати? 

Граѓаните и стопанските субјекти во Македонија плаќаат највисока цена за потрошена електрична енергија во регионов!

Кој е одговорен што во регионот благодарение на власта на СДС и ДУИ Македонија е на дното по висината на платите и пензиите? 

Дали не е страшен фактот, господо од СДС, што сте останале заробени во реториката од пред една деценија и потврдувате од ден во ден колку очајно лошо се справувате со вашиот статус на опозиција на локално и власт на централно ниво!? 

Но, сепак тоа е ваш проблем, по поразот на претстојните избори ви останува само надежта дека некаков трик или магија ќе ви помогне да ги реформирате сопствените редови!

Нашата обврска пред вас, почитувани граѓани, е да предочиме факти, а судот сами ќе го донесете.

На крајот, пропаста на денешнава економски исцрпена, понижена и блокирана од протести држава има двоен потпис - тоа е СДС ДУИ!