Извршниот одбор на Здружението на пензионери за општините Битола, Новаци и Могила под претседателство на Даница Петличкова на денешната седница го прифати полугодишниот извештај за првите шест месеци од годинава отценувајќи дека тој е позитивен и во склоп на мерките за економично работење. Поради пандемијата одредени манифестации што беа планирани да се одржат не се одржаа, што не значи дека истите нема да се одржат доколку здравствената состојба на населението во државата биде подобро.

На седницата беа прифатени мерките и критериумите за доделување на хуманитарна помош на пензионери со ниски примања во семејството, за што ќе се добијат податоци со акцијата за изработка на социјална карта што е во тек, а која ја извршуваат пензионери волонтери.

Во врска со градскиот превоз на пензионерите беше речено дека одредени превозни организации ги немаат продолжено договорите за превоз на пензинерите во градот, додека до селата истите договри добро се извршуваат и согласно самите протоколи за тоа.

Извршниот одбор донесе одлука со финансиски средства да даде продонес во опременувањето на просторот за потребите на пензионерите во село Кукуречани, а беше и поднесена инфомација за одржување на регионалните спортски игри на први септември во Прилеп. На седницата на ИО на здружението на пензионери согласно мерките за заштита до ковид-19 беа донесени и други одлуки за успешно функионирање во следниот период на оваа организација.        

Се известуваат пензионерите – членови на Здружението на пензионери Битола дека почнуваќи од 16.06.2021 год.(среда) Здружението ке започне со анкетирање за изготвување на социјалнта карта на пензионерите. Целта на анкетирањето е Здружението на пензионери - Битола да добие податоци за социјално-здраствената состојба на секој пензионер, заради давање на соодветна помош на најзагрозените пензионери, овозможуваќи притоа, преку волонтерите од Општината Битола и Општинската организација на Црвениот крст да добијат потребна лекарска помош, набавка на лекови и прехрамбени продукти, како и други неопходни потреби на пензионерите, кои не се во состојба самите да се грижат за себе.

Посебно се нагласува дека оваа анкета нема врска ниту со активностите за спроведување пописот на населението ниту со престојните локални избори или со било какви политички активности во време на спроведувањето на анкетата.

Податоците кои ке се добијат од спроведената анкета ке бидат од корист исклучиво за самите пензионери и затоа апелираме масовно прифакање на анкетарите од страна на пензионерите и давање на податоците содржани во анкетниот лист.                                         

Здружение на пензионери Битола

Извршниот одбор на Здружението на пензионери од Битола на денешната седница информираше дека деновиве започна дотурот на огревно дрво за оние пензионери што навреме ги уплатиле давачките за огрев. Се очекува до крајот на септември сите пензионери што се запишаа за добивање на огревно дрво да ги добијат потребните количини.

Претседателот на извршниот одбор на Здружението на Пензионери од Битола, Томе Димитровски, кој раководеше со седницата најпрвин информира за активностите на Сојузот на пензионери на Македонија каде егзистираат 53 здруженија дека согласно мерките за заштита од Ковид 19 и годинава да се одржат одредени активности од културно забавниот и спортскиот живот на пензионерите кои се 16% од населението во државата.

Членовите на ИО донесоа одлука за донирање на 20 илјади денари за набавка на материјали за поуспешно справување на медицинските установи за заштита од пандемијата. Исто така, се донесе одлука да се склучи Меморандум за соработка со Македонското научно друштво од Битола. На седницата на ИО на Здружението на пензионери од Битола, Димитровски истакна дека и во Сојузот на пензионери минатогодишното работење е позитивно зашто се работело економично и домакински.

Здружението на пензионери од Битола денеска одржа состанок со претседателите на месните заедници, со почитување на мерките за заштита од ковид-19. На оваа работна средба беше разгледан предлог извештајот за работа на Здружението,  а исто така со претседателите на месните заедници беше разгледан и извештајот од завршната сметка за работењето во изминатата година. Здружението лани работело позитивно, доделени беа и неколку хуманитарни донации на медицински установи, како и средства за операции и лекување на пензионери.