АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Во тек се градежните активности за изградба на покриен базен во дворот на ОУ „Даме Груев“ во Битола. Увид во работите денеска извршија градоначалничката Наташа Петровска со директорот на Агенцијата за млади и спорт, Дарко Каевски.
-Сериозно се инвестира во инфраструктурата во спортот во Битола, а за изградба на базенот Агенцијата за млади и спорт вложува 43 милиони денари. Стадионот ни е еден од капиталните инвестиции во кој од доаѓањето на оваа власт се вложени 1,6 милиони евра. Имаме градежни зафати во Кугланата, во низа образовни институции кои се инвестирани од буџетот на Општината во висина од над 127 000 евра. Тоа покажува дека во општината има сериозно поместување во делот на обезбедување на инфраструктурни услови за спортот во нашиот град, а ги помагаме и спортските клубови. Досега се исплатени 1,3 милиони евра за поддршка на спортските клубови.кога тоа ќе се собере со сумата за инфраструктура се добива сума од над 3 до 4 милиони евра за областа спорт", изјва Перовска.
Базенот ќе овозможи нова можност за спортска активност во текот на целата година за учениците, а во попладневните часови и слободните термини и за граѓаните.
Каевски пак напомена дека од партнерството меѓу локалната и централната власт најмногу придобивки имаат граѓаните.
-Покрај тоа што сме во услови на пандемија, се градат капитални спортски објекти во Битола. Со покриениот базен најмногу придобивки ќе имаат најмладите, но и рекретаивците, а ќе се згоеми и капацитетот за спортски активности во градот.
Рокот за изведба на покриениот базен е 18 месеци, односно краен датум е до крајот на следната година, но Каевски напомена дека ќе се направат напори да се стави во функција порано.
