Сметам дека нападот што се случи вчера е поради нервозата што доаѓа од изгласувањето на законот за употреба на јазиците. Не можам да коментирам дали е организирано сето ова, вклучувајќи ги и протестите пред домовите на пратениците, но во секој случај треба да се сфати сериозно.Претпоставувам дека целата клима која се создаде во јавноста за нас пратениците доведе до ваквото непресметливо однесување, и ако е тоа, му порачувам дека ниту мене ниту другите колеги вакви настапи и чинови на насилство нема да не поколебаат во нашата крајна цел членството во НАТО и ЕУ, изјави битолскиот пратеник Горан Милевски за Макфакс, по вчерашниот инцидент  кога на улица беше физички нападнат од минувач. 

Лидерот на ЛДП, Горан Милевски,  вели дека вчерашниот инцидент е срамен чин и неуспешен обид да се попречи патот на Македонија кон ЕУ и НАТО. Тој тврди дека иако дојде до елиминација на некој функционер или пратеник, Македонија ќе остане на зацртаниот пат и дека политиката која тие како владејачко мнозинство ја водат нема да биде спречена.

-И да нè елиминираат ова е политика што ќе ја спроведе некој друг. Нашата интенција е Македонија да влезе во НАТО и ЕУ и вакви испади нема да нè поколебаат тоа да го реализираме. Стратешките цели на Македонија се многу поважни од индивидуалните дејанија на лицата, вели Милевски.

Во Пелагонискиот регион ќе биде изградена регионална депонија , чија вкупна вредност ќе биде 40 милиони евра. Секоја од општините требаше да партиципира со соодветен износ на средства , што за Општина Битола  требаше да изнесува 4 милиони и  420 илјади евра , бидејќи тие пари како Општина не ги располагаме, Владата на Р. Македонија на себе ја презема обврската да го финансира целокупниот дел. Ова што сега се прави ќе има големо влијание за заштита на животната средина, а тоа ни беше една од обврските кои ги преземавме во кампањата и едно од ветувањата кон граѓаните. Оваа регинална депонија ќе биде со претоварни станици во неколку градови, значи после  4 години Битола ќе има регионална депонија, рече Валентин Груевски претседател на Советот  на Општина Битола на денешната седница на која беше усвоен предлогот за  реализирање на проектот за изградба на регионална депонија во овој крај.   

Маршираме во спомен на депортираните еврејски семејства од Битола, жртви на холокаустот. Ќе испратиме порака за мир, заедништво и соживот, рече пратеникот на СДСМ во Собранието на Р. Македонија, Александар Кирацовски, денеска  во Битола.

-Преку овој Марш симболично ќе ја претставиме патеката низ која чекореле 793 семејства кои беа депортирани од Битола.Овој трагичен настан испраќа порака до светот како истиот може да биде суров и  ранлив доколку навреме не се спротивставиме на злото. Овој настан да остане во историјата и да не се повтори,  рече Кирацовски.

„Од она што го побарав како извештај за тоа што се случува со киното 'Манки', мора да признам дека огромен број на средства се потрошени за него, а се уште сме едалеку од можност за истиот да биде ставен во функција зашто внатрешно, ентериерно, воопшто и не е направено. Факт е дека се уште треба да се трошат средства за истото да биде ставено во функција, а се надвор од она што ни беше ветувано во изминатиот период од претходната локална самоуправа.

За киното 'Манаки', Министерството за култура не идвои средства, но издвои за Офицерскиот дом, зграда која ако ја оставиме онаква каква што е оставена до сега, само можи во следниот период да се дораспадни, па да нема што да спасуваме.“

„Правниот факултет во Битола претставува дисперзирана испостава на Правниот факултет со седиште во Кичево, каде што токму во седиштето имаме негативен тренд на запишување студенти. Од друга страна фактите и аргументите покажуваат позитивен тренд на запишување на студенти и квалитет во Битола. Исто така имаме и голем број институции, Основен и Апелационен суд, Основно и Вишо јавно обвинителство, 146 регистрирани адвокати и адвокатски друштва, 7 извршители и 13 нотари.

Градоначалникот Живко Гошаревски на интернет страницата на Општина Ресен по повод првите сто дена од својот мандат напиша дека од претходната локална власт наследил долг над 2,9 милиони евра кон 560 доверители и блокирана сметка над 1,1 милион евра.  Ваквата ситуација Гошаревски истакнува дека негативно влијае врз секојдневното работење, но се прават обиди за стабилизација на Општината.  

Голем дел од ридот над Битола се руши, паѓа и во вакви услови е опасно да се пушти во употреба обиколницата, рече Валентин Груевски, претседател на Советот на Општина Битола на денешната седница на која се дискутираше за безбедноста во сообраќајот.

„Истовремено посетата ќе ја искористам за разговор со менаџерскиот тим, со стручниот колегиум и медицинските сестри за тоа како можеме да пристапиме кон подобрување на условите за работа со цел пацинетите да добиваат подобра и поадекватна услога. Свесни сме сите дека во последните години имавме езгодус на доктори и медицински сестри во Битола. Како министерство имаме намера да го вратиме сјајот на болницата, да вработиме доста доктори и медицински персонал, па граѓаните да не одат по здравствени услуги надвор од градот.

„Србија никогаш не се мешала во односите меѓу Македонија и Грција. Ние ќе го почитуваме сето она за што ќе се договорат во тој поглед. Република Србија ѝ сака секое добро на Македонија како на наш непосреден сосед, наш традицонален пријател и тука работиме и се трудиме нашата соработка да биде подобра. Искрено се надеваме дека  и тоа прашање Македонија заедно со Грција ќе успее да го реши и целиот регион да се сврти напред, имаме сега историска шанса од ЕУ за Западен Балкан, ни отвори можност сите со своите напори да го оставриме она што е стратешка цел на секоја земја на Балканот, а тоа е членство во Европската Унија“, рече амбасадорката   

-Наша долгорочна идеја е токму преспанскиот регион да биде прогласен за културен и природен предел под заштита на УНЕСКО, како што е охридскиот регион.