Отворен е Центар за дојка во Клиничката болница во Битола каде денес во употреба беше пуштен најсовремен мамограф за скининг на карцином на дојка. Во Центарот може да се направи и магнетна резонанса и ехо дијагхностика кај пацинетите на само од Битола, туку од Југозападниот регион, со што тие добиваат прецизна дијагностика.

Во Кино сојузот на Македонија од в година ќе се отвори школа за документарен филм со цел да се пиривлечат што повеќе млади лица да работата на тоа поле, но и да се стекнат со повеќе знаења. Ова беше соопштено на синоќешното отворање на 27. Интернационален фестивал на аматерски документарен филм „Камера 300“ во Битола.

Шеснаесетта недела Битола и регионот се зафатени од суша што доведе до исцрпување на водните ресурси на ЈКП Водовод Битола. Директорот Горан Козаров вели дека Битола може да со соочи со алармантна состојба доколку во наредните денови не падне дожд. Во овој период битолчани се снабдуваат со вода за пиење од  Хидросистемот Стрежево.

Паралела помеѓу еден од најзначајните настани во македонската историја, Крушевската Република и актуелните сосотојби во Битола, повлече советничката од Поинаку, Габриела Илиевска, на денешната седница на Советот, каде на дневен ред беше ребалансот на Буџетот на Општината. Илиевска констатираше дека за време на 10-те дена Крушевска Република биле реконструирани повеќе улици отколку денес за време на владеењето на СДСМ.

-Вчера слушам дека ние во Битола ќе сме ја реконструирале улицата „Крушевска Република“. Искрено да ви кажам, Крушевската Република траеше 10 дена и таму за тие 10 дена појќе улици реконструираја отколку вие од ко сте дојдени на власт во Битола. Појќе. Ние во овие две години можиме да се пофалиме само со улицата „Климент Охридски“ која двапати ја плативте и која служеше за потсмев на цела Македонија, рече советничката Габриела Илиевска.

Е.М.

Делови од Пелагонискиот Регион, посебно местата што ги спојуваат рамните со високите делови од земјиштето се подложни на свлечишта, изјави Милорад Јовановски, професор на Градежниот факултет во Скопје на денешната обука за јакнење на капацитетите за справување со природни непогоди во организација на Центрот за равој на Пелагонискиот плански регион.

„Пелагонискиот регион е подложен на свлечишта, не во рамните делови, туку во контактните делови со планинските региони, во делот кон Пелистер, делот каде што поминува делумно хидросистемот ‘Стрежево’, кај Ниже Поле има оштетување на патот. Во ободниот дел да го наречам на Пелагонискиот регион има доста такви појави. Обиколницата на Битола година и пол беше прекината поради санација на свлечиште“, рече Јовановски.

Деновиве, во радиус од нецели два километри, има четири активни градилишта на кои граѓаните секојдневно се сведоци, изјави на денешната прес конференција советничката Жаклина Наумовска од СДСМ.

Таа рече дека се реновира Офицерскиот дом, откако постапката за истиот законски беше испочитувана.

„Иако претходната власт го стави на продажба, едно од најглавните ветувања кое го дадовме пред битолчани го остваривме- Офицерскиот дом не само што ќе остане на битолчани, туку тој ќе го врати стариот лик“, рече Наумовска.

Од четвртокот до вчера, Агенцијата за финансиска поддршка на земјоделството и руралниот равој, ги исплати субвенциите за предадено млеко и оризова арпа во износ од 195 милиони денари. Од оваа сума 153,4 милиони денари се за редовна субвенција за предадено кравјо, овчко и козјо млеко на 6 742 сточари и 41,4 милиони денари за дополнителна субвенција од 5 денари за предадена оризова арпа на 1 130 земјоделци, соопшти Медотија Илиевски, начаник на Подрчаното одделение за земјоделство во Битола.

Ученици, наставници и вработени од ОУ„Гоце Делчев“-Битола како и претставници од Халк банка денеска засадија нови садници на зелените површини во дворот на училиштето, донација од банката. ОУ„ Гоце Делчев“ – Битола се вклучи во проектот „Интеграција на еколошката едукација во македонскиот образовен систем“. Тоа е ЕКО училиште со статус Зелено знаме што е највисоко признание во еко мрежата, со кое може да се стекне едно училиште, велат од училиштето.

Излегуваш од граница на Македонија и одма се соочуваш со трагиката на своето слепило при очи.

Хрватска, од границата со Србија до Пула. Повеќе од десет часови пат. Држам очи опулени, како дете пред продавница за чоколади и се прашувам:

-зошто во мојата држава не се селата „да ти е милина да ги гледаш“ како овде,

-зошто во мојата држава нема патокази на патиштата на секои 500 метри како овде,

-зошто во мојата држава нема патишта, овде во сите 10 часа пат, цел пат е како на филм,

-зошто во мојата држава нема ветробрани, снегобрани, или кај нас нема снег и ветер,

-зошто во мојата држава нема вистински мостови, како овде помеѓу Риека и Пула (во градба) и 

-зошто во мојата држава нема чисти гуми на тракторите, како овде?

И прдолжувам да се прашувам зошто на потегот помеѓу границата и Пула не видов на ниедно место ѓубре, ѓубришта и ѓубралници? 

А зошто од Битола со Скопје покрај патот нема место каде нема исфрлено ѓубре, нема ни еден контејнер, ниеден, ама баш ниеден? Ете затоа се чуствувам слепа при очи. И, кога ке заседнеш дома, ќе мислиш дека така треба.

Ова е сонот на слепиот човек.

Пишува Светлана Петковска, НВО активист

(Ставовите изнесени во колумните не се ставови на редакцијата на Апла.мк. Затоа Апла.мк не сноси одоговорност за содржината на истите)

Од 201 невработен битолчанец колку што биле интервјуирани, дури 119 лица не се пријавени во Агенцијата за вработување или 59 проценти, покажа истражувањето на Младинскиот центар од Битола вклучен во проектот „Активни заедници за социјални промени“ финансиран од ЕУ.

„Во истражувањето беа вкучени 201 невработен битолчанец, од нив 126 граѓани се долгорочно невработени што покажува дека сериозен е проблемот со невработеноста. Анализата покажа дека од 201 интервјуирано лице, 82 се регистрираат во Агенција за вработување во Битола како баратели на работа. А од нив само 18 знаат дека имаат право да користат мерки и услуги кои ги дава Агенцијата“, рече Маја Ангеловска од МКЦ Битола