-Ве замолуваме да бидете трпеливи и совесни кога се разминувате со нашите екипи кои се на терен при обележување на пешачките премини. Несовесните возачи како примерот на фотографиите, покрај прописно поставените сигнални конуси и исклучени линии ги проби пречките и го уништи обележаното, а воедно ја загрози безбедноста на вработените и оние кои ги почитуваат правилата од спротивната насока.

На крајот треба да бидеме свесни дека пешачките премини треба да бидат најбезбедното место од улицата и за вашите најмили, да се потрудиме да бидеме пример како треба, а не како не треба  да се однесуваме, апелираат од „Паркинзи“.