Претходно ВМРО-ДПМНЕ до медиумите испрати соопштение со рекација  дека на чело на РЕК Битола е поставен „хармоникаш кој свирел по кафеани и ресторани“, а од АД ЕСМ одговорија дека Матевски и Мицоски се докажаa како успешни кадри. 

„До назначувањето, Пеце Матевски ја извршуваше функцијата директор на Термоелектрана, а претходно беше координатор за Електромашинско одржување и раководител на Служба за техничка сигурност. Претходно работел во приватниот сектор.Матевски е дипломиран машински инженер и магистер по менаџмент на човечки ресурси. До назначувањето за в.д. директор на РЕК Осломеј, Стојан Мицкоски ја извршуваше функцијата технички директор на Рудници, а претходно работеше како одговорен инжинер на јагленов систем и раководител на Машинско одржување. Мицкоски е дипломиран машински инженер. И двајцата се назначуваат на позициите в.д. директор затоа што во изминатиот период ги искажале своите работни способности во услови на кризни ситуации и услови кои бараат брзо, соодветно и стручно реагирање, и дале значаен придонес во работниот и производниот процес на РЕК Битола и РЕК Осломеј“, се наведува во соопштението од АД ЕСМ