Синоќа, во просториите на НУУБ ,,Св. Климент Охридски Битола, Македонското научно друштво-Битола го одржа своето редовно изборно Собрание на кое за претседател во наредниот двегодишен мандат (2022-2024 година) повторно беше избрана вонр. проф. д-р Невена Груевска, која оваа функција ја извршуваше и во изминатиот двегодишен период.

Членовите на изборното Собрание на МНД-Битола, исто така едногласно изгласаа во наредниот двегодишен период, функцијата потпретседател на МНД- Битола да ја врши м-р Николче Трајчески, член на одделението за општествени науки. Со одлука на членовите на Собранието на МНД-Битола, избрани се и нов состав на Управен одбор, Уредувачки Совет, Надзорен одбор и Етичка комисија.

Денеска претставници од Секторот за внатрешни работи Битола - Отсекот за компјутерски криминал, инспектори од општ и економски криминал заедно со Отсекот за превенција и Полициската станица за безбедност на патниот сообраќај одржаа средба со дел од бизнис заедницата од подрачјето на Битола.

На средбата беше разговарано за зачестената појава на различни видови измами и како да се заштитат од нив. На присутните им беше укажано дека непознати лица преку социјалните мрежи или преку нивните приватни електронски адреси таргетираат корисници и испраќаат линкови до веб страни и сервиси преку кои се ветува лесна заработка, злоупотреба на платежните картички и други измами.

Со цел да се избегнат такви сценарија, СВР Битола ги предупреди присутните на средбата и останатите граѓаните да внимаваат да не станат жртви на инвестициски измами при купување на движен и недвижен имот и сите останати измами . Исто така, беше даден совет да бидат претпазливи кон сите понуди што ветуваат нереално високи приходи за многу краток временски период – ова е првиот и најочигледен знак дека станува збор за измамнички намери.

Додека, за време на комуникацијата не треба да се даваат лични податоци, фотографии од лични документи, банкарски картички, како и еднократни лозинки за апликации за банкарство преку Интернет или други податоци за овластување на банкарски трансакции.

СВР Битола ќе продолжи со превентивните активности за спречување на измамите, но и со преземање мерки за откривање и расчистување на извршените измами. 

Денеска се одржа 17. „Роднокрајна средба со битолските писатели“  на која присуствуваа: Елизабета Јончиќ, Добре Тодоровски, Љубе Митрејчевски, Сања Видановска-Мучкајева, Михајло Свидерски, Славица Свидерски, Кире Неделковски, Златко Жоглев, Даниела Андоновска-Трајковска, Мирјана Стојановска, Зоран Пејковски и Милица Димитријовска-Радевска.

 

Сакам да ја прашам директорката на Културно информативниот центар КИЦ, кој е концептот со Офицерски дом, која е визијата и кој е нејзиниот план за работа? Мојот впечаток е дека Офицерскиот дом, кој што е еден од најважните културни објекти во градот го претворила во Ивент центар. Некни имаше моторџии, пред тоа бајкери, пред тоа тркачи, па свадби, а некој си прави селфи. Тоа е културен објект, за кој ние тука во Советот треба да донесеме одлука како ќе се користи. Не може да биде Ивент центра и секој да плати и да прави приватна забава. Да, знам треба да функционира, но треба да најдеме модел како да функционира. Да има тарифи, но не може се и сешто да се организира во Офицерски дом. Го запустивте Офицерскиот дом, кој сакавте да се продаде. Ние тука носевме одлуки како да се изгради, како да му го вратиме стариот сјај за сите ќе се гордееме со него. Секоја чест и на бајкери и на моторџии, но во градот има место за сите, не мора сите да бидат во Офицерски

.