Низ излогот се гледа дека продавницата е празна, а пред вратата  има само еден пакет со ѓубре. Салонот во Битола беше отворена во септември 2018 година, на атрактивна локација во близина на Офицерскиот дом.

Македонските и српските медиуми пишуваат дека преку ноќ и без никаква најава фимрата заминала од Македонија, но и од Србија, а не се знае бројот на  купувачи кои  ја  платиле цела сума однапред, потпишале и договор и чекале да поминат 35 дена за испорака на мебелот. 

Но,  во очи на продолжениот викенд ставен е  клуч на врата во „Нефа мебел“. Затворени продавници, исклучени телефони, вработени без одговори и оштетени граѓани на кои не им се знае број.

Телефоните за контакт се недостапни, исто како и веб страната и фејсбук профилот на оваа фирма кои се исклучени.

 Од МВР велат вчера добиле две пријави од граѓани,  а од пазарниот инспекторат пак постапуваат по 5 претставки поднесени последниот месец. За тужба советуваат и од Организацијата на потрошувачи, пишува ТВ Телма. 

Фирмата имаше три продавници во Скопје и по една во Битола, Прилеп, Гостивар, Охрид, Тетово, Велес.  

Српските медиуми вчера објавија дека  српско-руската фирма за мебел „Нефа мебел“ која го продава мебелот на руската компанија „Спилит“  ги затворила сите продавници во Србија и во Македонија а сопствениците си заминале. Работниците во фабриката во Врање вчера бараа спас од локалните власти а оштетените граѓани го запоседнаа магацинот на Нефа во Белград во обид да не останат со празни раце.